SuperDizionari

rimpin s.m.
(rim-pin)

Toc di imprest o imprest intîr, soredut di metal, cuntune ponte pleade, che e permet di cjapâ, stratignî, picjâ e v.i.

sinonimi

lincin, ganç

esempi

"ator pai mûrs saran rimpins di fiar, comi chei che son ta becjariis"

da "Storia dai trê nerans" di Ranieri Mario Cossâr

"a dopravin lis dalminis cui grifs che a jerin rimpins di fier che a vignivin leâts sot la suele des çuculis par no sbrissâ"

da "E ven jù che Diu le mande" di Manuela Quaglia

Vedi anche: rampin

rimpin s.m.
(rim-pin)

Element o prominence che e permet di cjapâsi

esempi

"[il scjaladôr] al cîr un rimpin cul pît, al bat par viodi se al ten, al poie il pês dal cuarp, al môf la man a palpon, al cjate une buine prese, si tire sù"

da "Faliscjis" di Cristina Noacco

rimpin s.m.
(rim-pin)

Argoment che al pues jessi doprât tant che pretest o tant che scuse (fig.)

sinonimi

pretest, scuse, cavîl

esempi

"e pront al cjate fûr il so rimpin / par baratâ cun jê cualchi peraule"

da "Bastian" di Pieri Çorut

"siôr Checo nol dineave mai che al veve di paiâlis, ma cul rimpin che al veve di lâ a cjoli i bêçs in bancje, ur prometeve simpri pal indoman"

da "Aiar de Basse" di Alviero Negro

rimpin s.m.
(rim-pin)

Mieç, capacitât di frontâ une situazion o di fâ alc cun snait, caratar, inteligjence (fig.)

esempi

"il so om al jere un baban, un om cence rimpins e di lui no podeve fâ stât"

da "Mabile la Lunghine" di Maria Forte

rimpin s.m.
(rim-pin)

Conversazion fastidiose, di li che al è dificil liberâsi (fig.)

esempi

"se a i zeva dongja a tacâ rampins o a comandâi alc, [...] il vecju, bel sfregalantsi cu la man la barbita speloca, al cjapava sù e al zeva four"

da "Il spiçot" di Novella Cantarutti

rimpin s.m.
(rim-pin)

Imbroi, ingjan (fig.)

sinonimi

vuaite, vuate

monolingue