SuperDizionari

rimpinâsi v.pron.intr.
(rim-pi-nâ-si)

Lâ sù par alc che al è plui o mancul verticâl fasint fuarce sedi cui pîts che cu lis mans, o tal câs di une bestie doprant dutis lis çatis

esemplis

"rimpinâsi par un mûr e saltâ jù di là tun rondolon"

gjavât fûr di "La aghe da pît la cleve" di Dino Virgili

"i plui bulos, par rifâsi, intun moment si rimpinavin sul rôl par viodi plui lontan di nô"

gjavât fûr di "Messe a Sant Zuan" di Lucio Perès

"a Pâl Piçul, si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts"

gjavât fûr di "Funerâl a Pâl Piçul" di Pieri Menis

Viôt ancje: rampinâsi

rimpinâsi v.pron.intr.
(rim-pi-nâ-si)

Montâ su alc che al è ad alt, in gjenar cjapantsi ancje cu lis mans

esemplis

"si rimpinà su la carete e il mûl lu puartà a Glemone"

gjavât fûr di "I zimuluts dal Çuet" di Riedo Pup

rimpinâsi v.pron.intr.
(rim-pi-nâ-si)

Di plantis, cressi cjapantsi tun mûr, tun sostegn o tune altre plante

esemplis

"sù pe loze si rimpine une vît a piergule"

gjavât fûr di "Ursule" di Pieri Somede dai Marcs

"sù pal cjanton dal casel si rimpinave un garofolâr"

gjavât fûr di "La aghe da pît la cleve" di Dino Virgili

rimpinâsi v.pron.intr.
(rim-pi-nâ-si)

Lâ di rive sù, massime par une rive erte

sinonims

strissinâsi

esemplis

"par rivâ là sù, dal Pas, si rimpinavisi par un canalon che al vignive jù come un slambri de «cupule» parsore vie e dulà che i secui a vevin ingrumât maseriis di claps. Li i alpins a vevin vierte une stradele"

gjavât fûr di "La vuere sul Freikofel" di Pieri Menis

"“Il gno ronc al è là sù adalt - al veve dite Firmato. - O ti menarès, ma si scuen rimpinâsi a pît e il troi al è dut un pantan""

gjavât fûr di "Îr e doman" di Gianni Gregoricchio

rimpinâsi v.pron.intr.
(rim-pi-nâ-si)

Fâ une cualsisei azion che e puedi corispuindi a alc che al covente par rivâ ad alt (fig.)

esemplis

"[cjantant] si rimpinave pes notis plui che al podeve"

gjavât fûr di "Pre Pitin" di Antoni Beline

rimpinâsi v.pron.intr.
(rim-pi-nâ-si)

Tacâsi a un pretest o a une scuse (fig.)

esemplis

"Triest nol po nancje rimpinâsi sù pai stocs de tradizion storiche, che Vignesie e cirive di tirâ in bal [par tignî sot il Friûl]"

gjavât fûr di "Sot di nissun" di Josef Marchet

monolengâl