Tu âs cirût la peraule
monolengâl
torne indaûr

monolengâl

ripiâsi v.pron.intr.
(ri-pi-â-si)
Tornâ in salût dopo di une malatie o tornâ in fuarce dopo di une fadie o di alc di impegnatîf pal cuarp o pe psiche
sinonims
vuarî, dâ di ca, ristabilîsi, repelâsi
esemplis
"al veve fat a pît dôs miis di strade par vignî a cjatâ mio pari che al stentave inmò a ripiâsi di une polmonite"
gjavât fûr di "11 di Fevrâr 1929" di Pieri Somede dai Marcs
"il secont fi al nassè intal mês di Març dal cuarantetrê. Il part al fo lambicât. Tilde e stentâ a ripiâsi"
gjavât fûr di "Trê feminis" di Gianni Gregoricchio
"lâ a durmî adore, la sere, par ripiâsi des fadiis de zornade, cun durmidis di plomp"
gjavât fûr di "Tant parom" di Meni Ucel
Viôt ancje: repiâsi, repeiâsi
ripiâsi v.pron.intr.
(ri-pi-â-si)
Tornâ intune cundizion buine o normâl dopo di un cualsisei fat negatîf
sinonims
tornâ a bon, rinfrancjâsi, rimontâsi, tirâsi sù, rimetisi, repelâsi
esemplis
"il fat che no podìn tornâ a ripiâsi di bessôi [dal taramot], nol vûl dî che no podìn aministrâsi di bessôi"
gjavât fûr di "Autonomie come categorie spirituâl" di Antoni Beline
"cul tignî cont, cul sparagnâle di bocje, puar Griôr al veve podût ripiâsi e lâ indenant pal miei"
gjavât fûr di "Il mulin" di Dino Virgili
ripiâsi v.pron.intr.
(ri-pi-â-si)
Cjapâsi une rivincite, une compensazion di alc di negatîf o di alc che si à vût di spietâ tant, o ancje cjapâsi un svindic
sinonims
rifâsi
esemplis
"cumò al voleve ripiâsi, al voleve dispiticâsi a passâ dongje i fîs dal vecjo paron, fasint fente di no inacuarzisi di lôr"
gjavât fûr di "La tiere di Lansing" di Maria Forte
ripiâsi v.pron.tr.
(ri-pi-â-si)
Tornâ a cjapâ alc di se stes, par se stes o cun reciprocitât
sinonims
ricjapâsi
esemplis
" i partîts a àn tornât a ripiâsi dut il lôr podê"
gjavât fûr di "Strategjie eletorâl" di Antoni Beline
detulis
"cuant che si crôt di ripiâsi, e je chê volte che si è su la code dal mus"
torne sù