Tu âs cirût la peraule
monolengâl
torne indaûr

monolengâl

ritrat s.m.
(ri-trat)
Imagjin piturade, sculpide, fotografade e v.i. di une persone o ancje di plui personis, in particolâr de muse
esemplis
"[il pitôr] mi mostrà i cuadris che al jere daûr a finî e al tornà a domandâmi di lassâmi fâ il ritrat"
gjavât fûr di "Cretevierte" di Roberto Ongaro
"sul mûr son picjâts i ritrats di Marx e di Matteotti"
gjavât fûr di "Un pugn di moscjis" di Pieri Somede dai Marcs
"«Milie, jo ti conti dut… ma tu âs di zurâ chi denant dal ritrat di nestre mari che no tu disarâs nuie a dinissun, par nuie di chest mont… zure, Milie…»"
gjavât fûr di "Si disarès che e je inventade" di Pieri Menis
Viôt ancje: litrat
ritrat s.f.
(ri-trat)
Fotografie di cualsisei sogjet (pop.)
esemplis
"un altri [turist] cul imprest di fâ ritrats, che al molave lamps ogni moment, di dutis lis bandis"
gjavât fûr di "Lis predicjis dal muini" di Josef Marchet
ritrat s.m.
(ri-trat)
Descrizion di une persone o di un puest, di un acjadiment e v.i. (fig.)
sinonims
figurazion, fotografie, piture, profîl
esemplis
"za agn, un bon furlanat - Pieri Corvat - al à fate une pensade: di butâ jù in poesie il ritrat dal Cuarantevot furlan"
gjavât fûr di "Trombis e tambûrs" di Josef Marchet
ritrat s.m.
(ri-trat)
Persone che e somee une vore cuntune altre
sinonims
compagn, copie, figure, fotografie, imagjin, spieli, stamp
esemplis
"il frut cui voi batistons, un ritrat spudât di so nono resurît tun cuarpesel tenarin e une musute tant biele"
gjavât fûr di "La aghe da pît la cleve" di Dino Virgili
ritrat s.f.
(ri-trat)
Idee imagjinade
sinonims
idee
esemplis
"di lui, muart cetant timp prime che jo o fos nassût, mi jeri fat un ritrat vîf, come se al fos stât un di cjase nestre"
gjavât fûr di "Il miracul dal plevan di Trep" di Pieri Menis
torne sù