SuperDizionari

rituâl s.m.
(ri-tu-âl)

Complès di azions e frasis codificadis che a àn soredut une finalitât simboliche religjose

esempi

"al veve di jessi un rituâl une vore antîc, che ogni an lu ripetevin in dutis lis glesiis dal mont"

da "Prime di sere" di Carlo Sgorlon

"i rituâi religjôs plui antîcs a àn ce fâ cul cult dai muarts"

da "Il cjâf dai furlans" di Franc Fari

Vedi anche: rît

rituâl s.m.
(ri-tu-âl)

(lit.) Inte Glesie catoliche, libri dulà che a son tignudis dentri lis regulis e lis formulis di doprâ in sacraments e cerimoniis

esempi

"il plevan cu la cuete che e scampanotave su lis maniis e la stole tiessude di fîi di aur che i sui zenoi, sul asperget, il rituâl e doi fruts par bande, un cul cjalderin da la aghe sante e chel altri cu la zee pai ûfs, al scomençâ a fâ il zîr par benedî lis cjasis"

da "Par une lengate" di Pieri Somede dai Marcs

rituâl s.m.
(ri-tu-âl)

[TS] (etol.) Compuartament che si fonde suntune secuence di elements che a cjapin un significât particolâr inte comunicazion sociâl

rituâl adi.
(ri-tu-âl)

Che al è propri di un at simbolic cerimoniâl, che al à finalitats simbolichis

esempi

"nainis rituâls che a vevin il savôr velât di une medisine pagane"

da "Une speziarie te cjanive" di Margherita Timeus

"la agressivitât mortâl dentri de specie si à stramudade intune schirie di puartaments rituâi par fermâ la coparie fra individuis de stesse specie"

da "Il cjâf dai furlans" di Franc Fari

rituâl adi.
(ri-tu-âl)

Che al sucêt o che si fâs simpri e che al à formis fissadis dal costum (fig.)

sinonimi

usuâl, solit

esempi

"subit al jere comparît il so amì e dute une schirie di oms e di feminis che i vevin fat fieste, tant che lui al fos stât l'ospit plui spietât. Daspò lis presentazions rituâls, Lissandri si jere cjatât intune grande cusine"

da "Il sium di Lissandri" di Franca Mainardis

monolingue