SuperDizionari

rive s.f.
(ri-ve)

Part di un rilêf di tiere, tant che un cuel o une mont, che e je in pendence

sinonimi

cueste, cleve

esempi

"al cjalà ancjemò jù pe rive, fin dulà che la strade si pierdeve tai prâts come un fossâl"

da "Sul agâr" di Pieri Menis

"li vîts petenadi e chê svintali colour di rosa che a verzelavin la riva duta verda fin in cima il cuel, a parevin proprit bon"

da "La Santa" di Novella Cantarutti

Vedi anche: ribe

rive s.f.
(ri-ve)

Percors o part di strade o sim. in pendence

sinonimi

montade, rampe

esempi

""Cheste rive, e po o sin" dissal Zuanat. E Toful al faseve di sì cul cjâf stomblant i cjavai sù pe rive"

da "La aghe da pît la cleve" di Dino Virgili

"dilunc la rive che e menave a Vendâs, la moto e ronfave di ligrie"

da "Par stradis lungjis" di Alan Brusini

rive s.f.
(ri-ve)

Fasse di tiere che e je dilunc des aghis dal mâr, di un lât o di un flum

sinonimi

cueste, lît, ôr, rivâl, spuinde

esempi

"une fasse di bârs di nûl e orlave la rive erte de Istrie"

da "Int no consumade" di Agnul di Spere

"su la rive dal flum i pôi che a movevin lis fueis"

da "La maree nere" di Checo Tam

"senza spietâ rispuesta, ripassava il puint, disleiava una barcja da la riva del flun, montava dentri, e clamava ancjamò una volta: «Barba, vignîso?»"

da "Il me paîs" di Federigo Comelli

Vedi anche: ribe

monolingue