SuperDizionari

rivoltâ v.tr.
(ri-vol-tâ)

Zirâ, cambiâ di posizion, orientament, direzion, viers e v.i., ancje di gnûf o plui voltis

sinonims

disledrosâ, ribaltâ, rizirâ, sledrosâ, zirâ, voltâ

esemplis

"al vierç la buste e al volte e rivolte un sfueut"

gjavât fûr di "Vilie di Nadâl" di Pieri Somede dai Marcs

Viôt ancje: revoltâ, ravoltâ

rivoltâ v.tr.
(ri-vol-tâ)

[TS] (sart.) Discusî e tornâ a cusî un vistît doprât, o sim., in maniere che la bande didentri e ledi parfûr e al somei mancul fruiât

sinonims

voltâ

esemplis

"lu vevin simpri vistût rivoltant capos vieris che a jerin stâts di so pari o dai fradis plui grancj"

gjavât fûr di "La ombrene" di Meni Ucel

rivoltâ v.tr.
(ri-vol-tâ)

Cirî di capî considerant sot di une altre prospetive (fig.)

esemplis

"divuardi a resonâ masse, divuardi a rivoltâ i tiermins! La «patrie» e je une cuistion di cûr e no di cerviel, di fede e no di reson: se si tire in bal il cerviel, al va dut in grum"

gjavât fûr di "La man e la arme" di Josef Marchet

rivoltâ v.tr.
(ri-vol-tâ)

Butâ sot sore, fâ che alc al sedi in disordin (fig.)

sinonims

rivoluzionâ, butâ par aiar, meti sotsore, savoltâ, ribaltâ

rivoltâ v.tr.
(ri-vol-tâ)

Dâ fastidi, fâ une sensazion negative, fâ stâ mâl (fig.)

sinonims

voltâ, savoltâ, fâ zirâ, fâ voltâ, messedâ, ribaltâ

esemplis

"Mi à dât di bevi un losoç che mi à rivoltât il stomi"

gjavât fûr di "Credit" di Meni Ucel

rivoltâ v.tr.
(ri-vol-tâ)

Fâ colâ alc o cdn.

sinonims

butâ jù, parâ jù, sgjaventâ, strucjâ, ribaltâ

monolengâl