SuperDizionari

rivoluzion s.f.
(ri-vo-lu-zi-on)

Savoltament profont, in gjenerâl ancje svelt e violent, dal ordin politic e sociâl che al vûl cambiâ di plante fûr guvier, istituzions, rapuarts, relazions economichis e sociâls

sinonims

messedament, ribaltament, ribalton, savoltament, voltament

esemplis

"la rivoluzion di Viene [dal 1848] che e lassave cence diretivis lis autoritâts militârs e civîls di chescj paîs"

gjavât fûr di "Cuintristorie dal Friûl fin sot la Italie" di Josef Marchet

"i moviments dai sindacâts no son che un pas de rivoluzion, cheste e je la nestre politiche"

gjavât fûr di "Un pugn di moscjis" di Pieri Somede dai Marcs

rivoluzion s.f.
(ri-vo-lu-zi-on)

Mudament svelt e radicâl di un sisteme economic e sociâl par vie di scuviertis sientifichis gnovis e tecnologjichis

sinonims

messedament, savoltament, voltament

esemplis

"la idee di semenâ vuardi, forment e altris plantis [...] e fo une des primis rivoluzions te storie de umanitât"

gjavât fûr di "Il cjâf dai furlans" di Franc Fari

"la proletarizazion e fo in Ingletiere la cundizion de rivoluzion industriâl"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

rivoluzion s.f.
(ri-vo-lu-zi-on)

Grande confusion (fig.)

sinonims

confusie, diauleç, disastri, messedament, mismàs, ribaltament, savoltament, tananai, voltament, confusion

esemplis

"e si visaiso, in chê volte de vuere, ce rivoluzion di feminis che e je nassude là jù, a Gargagnà Disot? [...] a vevin tacât a puartâ sui scjalins dal altâr de Madone de Cinture i ritrats dal om o dal fi o dal morôs, che a jerin soldâts"

gjavât fûr di "Lis predicjis dal muini" di Josef Marchet

rivoluzion s.f.
(ri-vo-lu-zi-on)

Cualsisei mudament une vore svelt e radicâl

sinonims

messedament, ribaltament, savoltament, voltament

esemplis

"[la laveblancjarie e je] la vere grande rivoluzion di chei agns, par vie che e regale timp libar, massime aes feminis, [...] par vuadagnâsi une gnove indipendence"

gjavât fûr di "Cuintristorie dal Nûfcent 1950-1960" di Angelo Floramo

"sul fat des vergognis po, la gnove culture e à parturît adiriture une rivoluzion: chês che si diseve no son plui vergognis, ma valôrs"

gjavât fûr di "I furlans e la mode" di Riedo Pup

rivoluzion s.f.
(ri-vo-lu-zi-on)

[TS] (astron.) Moviment orbitâl di un cuarp celest che al fâs une orbite elitiche intor di un altri

esemplis

"par vie dal moviment di rivoluzion de Tiere ator dal soreli e de inclinazion dal as di rotazion de Tiere rispiet al plan de sô orbite, vie pal an il soreli al fâs tal cîl un zîr aparent"

gjavât fûr di "Archeoastronomie in Friûl" di Nando Patat

"par cognossi po il timp de lis fasis lunârs, ognun pol regolâsi daûr il pleniluni indicât calcolant 29 dîs e 5 oris par ogni rivoluzion"

gjavât fûr di "Il me paîs" di Federigo Comelli

monolengâl