Tu âs cirût la peraule
monolengâl
torne indaûr

monolengâl

rivuart s.m.
(ri-vuart)
Mût di compuartâsi creançôs che al cîr di no dâ fastidi
sinonims
riten, scrupul, rispiet
esemplis
"propit cussì, une delusion, ma nissun fevelave par rivuart di lui e de famee"
gjavât fûr di "Come tai romançs" di Alan Brusini
Viôt ancje: riguart, raguart, ravuart, revuart
rivuart s.m.
(ri-vuart)
Discrezion e prudence intal pandi o tal domandâ i sintiments, lis ideis, lis intenzions che si àn
sinonims
modestie, pudôr, rispiet, ritegn, vergogne
esemplis
"cul cûr intal cuel mi veve dite che intai ultins mês nol rivave a capî ce che al jere daûr a sucedimi. In sumis, cun dut il rivuart pussibil, al cirive di fâmi confidâ cun lui"
gjavât fûr di "Trê feminis" di Gianni Gregoricchio
"cuant che [il cuadri] al fo finît se a nal era par riguart varès cjapât Liviero a braçacuel"
gjavât fûr di "Un pitour par me" di Novella Cantarutti
rivuart s.m.
(ri-vuart)
Pinsîr che al fâs stâ mâl, che al da angosse
sinonims
pinsîr, scrupul
esemplis
"dome che e diseve: “A Firenze ci sono molte distrazioni: vetrine, Caffè eleganti e musei meravigliosi”. Simpri Firenze… Firenze te sô bocje, e cun chel rivuart i nasseve un paragon mâr dentri di se. Nol jentrave il paîs tal so spirt"
gjavât fûr di "Cjase di Dalban" di Maria Forte
"e cjalave il len cu la plee dure di cui che al è tormentât di rivuarts che no rivin a sfantâsi"
gjavât fûr di "Il tei" di Maria Forte
rivuart s.m.
(ri-vuart)
Il cjalâ, ancje par protezi
sinonims
cjalade
esemplis
"i vîfs e i muarts a vivin dongjelaltris: e a son ducj sot dal riguart dal Signôr benedet"
gjavât fûr di "La fogolade dal bosc" di Josef Cjargnel
rivuart s.m.
(ri-vuart)
Tiere, teritori, zone che e aparten a cdn.
esemplis
"[i pagans] a vevin ancjemò paronance espotiche di cualchi sît, plaçât sul ôr dal riguart de int civîl"
gjavât fûr di "I pagans di Muine" di Josef Cjargnel
rivuart prep.
(ri-vuart)
Par introdusi complements di argoment, limitazion, interès
sinonims
rivuart a, in rivuart a, a rivuart di, in cont di, a proposit di, rispiet a, cun, par
esemplis
"lis sorestantis a vevin cambiât dal dut il lôr fâ, rivuart 'Sine Malet"
gjavât fûr di "Il muc" di Roberto Ongaro
torne sù