SuperDizionari

monolingue

robâ v.tr.
(ro-bâ)

Cjapâ alc a cdn. cence vê il permès e cuintri dal dirit e de leç (ancje ass.)

sinonimi

foti, freâ, gafâ, puartâ vie, taconâ, freolâ, inculâ, lecâ

esempi

"vêso savude la ultime? A son stâts a robâ l'aur sul altâr di Madone di Gracie a Udin. Cui? Se o spietais che ju cjatin!"

da "Lis predicjis dal muini" di Josef Marchet

"a vevin zuiât di balon, robât panolis e cjariesis, scussât zenoi e comedons intune"

da "Faliscjis" di Cristina Noacco

robâ v.tr.
(ro-bâ)

Puartâ vie une persone, come se e fos une robe (estens.)

esempi

"une volte a vevin robade une frutate che e veve dome i pomuluts sul stomi, e dopo che si jerin spiticaçâts cun jê a fâ ce che a volevin di jê, chei tacunitis là, le vevin ruvinade, creature"

da "La aghe da pît la cleve" di Dino Virgili

"tal deliri e fevelave di un frutin che jal vevin robât e che e voleve vêlu"

da "Dome la cjampanute di Sant Bortul" di Maria Forte

robâ v.tr.
(ro-bâ)

Imbroiâ in maniere di fâsi paiâ o di scuedi di plui di ce che al sarès just (ancje ass.)

esempi

"a 'ndi è che a robin ogni dì, di agns e agns incà, o su lis misuris o sui pês o sul marcjât o sul lavôr o su lis tassis o su altris afârs"

da "Lis predicjis dal muini" di Josef Marchet

robâ v.tr.
(ro-bâ)

Disseparâ une persone di une altre par vê il so amôr, afiet e v.i. (fig.)

sinonimi

foti, freâ, gafâ, puartâ vie

esempi

"che un al cirìs di robâ la femine di un altri al jere normâl parcè che lu veve bielzà fat re Davide, che al veve bramât Bersabee"

da "Il dolfin" di Carlo Sgorlon

robâ v.tr.
(ro-bâ)

Fâ pierdi timp a cdn. (fig.)

esempi

"puedio robâti doi minûts?"

robâ v.tr.
(ro-bâ)

Presentâ tant che propri alc che invezit al è di cdn. altri (fig.)

esempi

"vuê il probleme dai editôrs nol è chel di robâ ideis o propuestis editoriâls, ma chel di mandâlis indaûr, cu la masse di robe che i rive ogni dì"

da "Interviste a Ivan Cecchini" di Dree Venier

"Bernardino Partenio, intal tratât De poetica imitatione, al met in bocje dal Trissino une severe denunzie cuintri chei dissepui di Camillo che i varessin robât o plagjât i scrits"

da "Il brevet" di Mario Turello

"i soi lât a ceri “Occasioni” [di Montale] par jodi di chel "ducj i nestis îrs", che a mi pâr tant di vêi robât, ma i ai di vêlu lassât ator (cui che a lu à, che a mel torni!)"

da "In forma di peraulas..." di Giorgio Ferigo

robâ v.tr.
(ro-bâ)

Rivâ a otignî alc cun imbroi o in ogni câs cuintri il dirit, cuintri il dovût e v.i. (fig.)

esempi

"[al lavore tant] lui nol robe la paie ni la fiducie di nissun"

da "Fadie come ale" di Maria Forte

robâ v.tr.
(ro-bâ)

Rivâ a otignî alc di buride, spec. se nol jere spietât, ancje cun malizie (fig.)

esempi

"Guri di Cleve al jere capitât jù sfladassât e i veve robade chê mieze promesse… e jê no veve dite nuie inmò ai siei…"

da "La aghe da pît la cleve" di Dino Virgili

"lui i veve robade une bussade a tradiment che jê no veve dit flât"

da "La aghe da pît la cleve" di Dino Virgili

proverbi

"a robâ là che a 'nd è, nol è pecjât"

"a robâi a un ladron, a son cent agns di perdon"

"a robâur ai laris no si fâs pecjât"

"a robâur ai laris nol è pecjât"

"ai laris no si ur robe"

"al è lari cui che al robe e cui che i ten il sac"

"al è lari tant cui che al robe che cui che al ten il sac"

"al è tant lari chel che al robe che chel che al ten il sac"

"al è tant pecjât robâ che lassâsi robâ"

"ce che si spint mâl si jal robe al so capitâl"

"cuant che il lari al à robât,nol ocor sierâ la puarte"

"cui che al à robât une lire, al podarà robânt mil"

"cui che al è bon di robâ la vacje, al è ancje bon di zurâ che no le à robade"

"cui che al fâs robe al robe"

"cui che al robe nol fâs robe"

"cui che al robe pai altris al va in preson par se"

"la cjase e plate ma no robe"

"la robe e robe la pâs"

"lari piçul no stâ robâ che il lari grant ti fâs picjâ"

"lari piçul no stâ robâ che il lari grant ti picjarà"

"nol vâl sierâ la stale co a son stâts robâts i bûs"

"robe cjatade e no tornade e je tant che robade"

"robe cjatade, mieze robade"

"robe une gjaline ti mandin a la ghiliotine, robe un milion no tu vâs nancje in preson"

"si robe in tantis manieris"

Torna in Cima