Hai cercato la parola
monolingue
Torna indietro

monolingue

rose s.f.
(ro-se)
Part des plantis spermatofitis che e conten i orghins de riproduzion, dispès biele, colorade, profumade
sinonimi
flôr
esempi
"al crevave une rose e le impirave te asule dal golâr par tignîsi plui dongje dut il dì il so nasebon"
da "Cjase di Dalban" di Maria Forte
"ogni tant al lave in cimitieri a meti cualchi rose di prât su lis tombis dai siei"
da "Prime di sere" di Carlo Sgorlon
rose s.f.
(ro-se)
Plante che e fâs flôrs
sinonimi
flôr
esempi
"sot dal miluçâr e ator ator o vevi implantadis cuatri o cinc rosis: la mê passion"
da "La scuele dai fornasîrs" di Pieri Menis
rose s.f.
(ro-se)
Plante e flôr dal gjenar Rosa
sinonimi
rose di odôr, garoful, garoful di spine, garduse, gartule
esempi
"la cjase e je deventade un zardin: rosis rossis sul taulin dal coridôr, su la taule dal tinel, su chê de cusine e ancje su la taulinute basse vicin de jentrade. Renzo al veve capît di no vê capît nuie e i domandave scuse"
da "Faliscjis" di Cristina Noacco
rose s.f.
(ro-se)
Persone biele e in salût, spec. in riferiment a fruts o a feminis zovinis (fig.)
esempi
"Lise e veve parturît Titute, un frutìn che al jere une rose, san e biel"
da "Chei di Muraie" di Pieri Menis
rose s.f.
(ro-se)
[TS] (arm.) Insiemi dai balins trats intun colp di une sclope
sinonimi
rosade
rose adi.inv., s.m.
(ro-se)
Colôr a mieç jenfri il ros e il blanc
sinonimi
colôr di rose
esempi
"se ta chê musis blancji e rosa / a lûs chel ridi, chel, e no n altri, / chel fâ luturan e dolissious, / a è parsè che a son di ca, da la Alta!"
da "Viers Pordenon e il mont" di Pier Paolo Pasolini
"lis pontis dai arbui si indoravin e là sù te cjarande a lusivin i veris de sô cjase e la façade blancje si tenzeve di rose cul soreli a mont"
da "La cjarande" di Pieri Somede dai Marcs
rose adi.inv.
(ro-se)
Di romanç, conte, gjornâl o film che a àn tant che argoment specific l'amôr
esempi
"cronache rose, po nere e, insom, zale (si sa i gjornâi a 'nd disin di ducj i colôrs)"
da "Ah! la provincie" di Sandri Di Suald
proverbi
"chê che no ame lis rosis, e je une cjase di butâ jù"
"cuant che lis urtiis a àn la rose fin da pît, e ven une vore di nêf ancje al plan"
"dutis lis rosis a van in fen"
"e vâl plui une rose frescje che no un scovul"
"fin che a son piçui, rosis e flôrs cuant che a son grancj, spins e dolôrs"
"fra lis spinis e sta la rose"
"nissune rose cence spine"
"ogni biele rose a va in fen"
"par taponâ la buse si met une rose"
"prin dal matrimoni a son rosis e flôrs, po spinis e dolôrs"
"prin rosis e flocs, po mierde e peçots"
"tra lis spinis e nas la rose"
Torna in Cima