SuperDizionari

torne indaûr

monolengâl

sêt s.f.

Bisugne e voie di bevi e sensazion fisiche che e ven de dibisugne di bevi

esemplis

"i trê fantats a àn sêt, a domandin bire, aghe, ce che al è"

gjavât fûr di "Par stradis lungjis" di Alan Brusini

"a vevin lassât un cjaldîr plen di aghe: i muarts a levin ator pal mont, chê gnot, plens di sêt"

gjavât fûr di "Sium de Vilie dai Sants" di Gianfranco Pellegrini

sêt s.f.

Dibisugne di aghe di bande di plantis e cjamps

esemplis

"al veve fat une vore di cjalt vie pal dì, un cjalt fûr di stagjon, i orts a vevin sêt"

gjavât fûr di "Faliscjis" di Cristina Noacco

sêt s.f.

Voie e vizi di bevi alcolics (fig.)

esemplis

"doi amions di Breçà, une volte…, doi di chei che a distudavin la sêt dispès, a lerin a confessâsi a Feagne par vie che là, in chei timps, al jere un predi che al pative tante di chê sêt ancje lui, e duncje al leve di cane par lôr"

gjavât fûr di "Beâts i viei" di Riedo Pup

sêt s.f.

Voie o dibisugne une vore fuarte (fig.)

sinonims

brame, bramosetât, desideri, fam, fiere, gole, ingordisie, pice, sbisie, sbisiôr, sbulie, seneosetât, smanie, voie

esemplis

"la nestre anime e à sêt di veretât, di libertât, di afiet, di dignitât, di comprension, di perdon"

gjavât fûr di "Sant Jacum, là che al finìs il mont" di Antoni Beline

"il furlan intalianât, al è masse tacât ai siei idui [...] al à sêt di peraulis, di bufulis, di mitologjiis, di sflocjis, di bausiis"

gjavât fûr di "Il manarin tal cûr" di Josef Marchet

detulis

"ancje la aghe sporcje e distude la sêt"

"cuant che il lôf al jes dal so foran, o che al à sêt o che al à fam"

"di bevi al predi che il cleric al à sêt"

"mangjâ co si à fam bevi co si à sêt, durmî co si à sium, cjiâ co si à sen"

"ni ca dal miedi par ogni mâl, ni ca dal avocat par ogni lît e nancje po par ogni sêt ca dal bocâl"

"no stâ fâ bevi il mus che nol à sêt"

"pan pe fam, aghe pe sêt e jet pe sium"

"sossedâ nol vûl mintî: o fam o sêt o sen di lâ a durmî o cualchi cjosse che nol olse a dî"

torne sù