Hai cercato la parola
monolingue
Torna indietro

monolingue

sù e jù loc.av.
In alt e in bas, soredut cuntun moviment che al torne a fâsi plui voltis
esempi
"po si sentave, e jù une inglanzide di vin, che il grop dal cuel i balave sù e jù, come un saltel di puarte"
da "La aghe da pît la cleve" di Dino Virgili
"al sbassà il plat de lampade di un mieç metri. Al jere un di chei plats cu la cidule e il piruç di crep, di tirâ sù e jù"
da "Prime di sere" di Carlo Sgorlon
sù e jù loc.s.m.inv.
Teren, percors e v.i. cun rilêfs e bassuris
esempi
"no je une cueline sole ma tantis, o pûr e je une, ma dute un sù e jù di podê semeâ tantis"
da "La "Fieste dai Roncs"" di Meni Ucel
sù e jù loc.av.
Cun alternance di cundizions, valôrs, risultâts e v.i.
esempi
"se o cjalìn la storie dal pinsîr autonomistic intal ultin secul, o viodìn che la evoluzion de sô parabule e va sù e jù daûr des fasis de nestre storie"
da "Un viaç aes lidrîs de specialitât" di Walter Tomada
sù e jù loc.s.m.inv.
Alternance ancje ripetude
esempi
"la medie di jentradis e varà tai agns dai sù e jù ancje avonde marcâts"
da "Un Friûl difarent: i 90 mhz di Onde Furlane" di Max Mauro
sù e jù loc.av.
Di une bande a chê altre, soredut plui voltis
esempi
"une lampide impiade devant l'altâr di sant Antoni e à fat lusôr dute la gnot a chei doi fraris che levin sù e jù pe glesie, fasint la vuardie a dute chê marmaie di devots indurmidîts"
da "La cjargnele dal avout" di Giovanni Gortani
"a jentre in cjamare, e met il ferâl sul scabel, si gjave il façoleton, e zire sù e jù pe cjamare"
da "Al fresc" di Pieri Somede dai Marcs
sù e jù loc.av.
In maniere aprossimative
sinonimi
pressapôc, un pressapôc, circje, plui o mancul, ce plui ce mancul, sù par jù
esempi
"al è pôc [di paiâ di sigurazion], ce crodêso: sun dîs mil francs di sigurât a son sù e jù trente francs ad an di paiâ, e a ratis"
da "La aghe da pît la cleve" di Dino Virgili
""Trop saraial [di multe], par plasê?" "Dôs voltis il bol: vot mil francs, sù e jù…""
da "Jo, evasôr fiscâl" di Riedo Pup
Torna in Cima