Hai cercato la parola
monolingue
Torna indietro

monolingue

sù par loc.prep.
Par introdusi un complement di lûc, soredut cun moviment che al travierse di jù insù o di meridion a setentrion
esempi
"lui come instupidît si invià ben planc sù pes scjalis e cuant che al fo disore, cjamare, jê i le dongje"
da "Sul agâr" di Pieri Menis
"si podeve lâ sù te specule, sù pe torate, là che al è ancjemò l'orloi"
da "La teme - Une gnot intun cjastiel" di Giovanni Gortani
sù par loc.prep.
Par introdusi un complement di lûc, ancje cence moviment, in riferiment a alc che al è adalt o verticâl
esempi
"une schirie di plats piturâts a man a jerin picjâts sù pai mûrs e o vevi vût timp di lei lis frasis che a jerin scritis parsore"
da "B123ST" di Raffaele Serafini
sù par loc.prep.
Par segnâ un supuart, soredut par alc che al è scrit
sinonimi
in, ta, su
esempi
"nissun si varès mai plui visât di lôr, fûr che sù pes lapidis o tal cûr des maris"
da "Îr e doman" di Gianni Gregoricchio
"cjasis vieris butadis jù, gnovis fatis sù come chês che si viôt sù pai gjornâi"
da "Fûr di timp" di Jolanda Mazzon
sù par loc.prep.
In ciertis varietâts ancje par segnâ une direzion, une destinazion e v.i. che si podaressin pandi cu la preposizion "su" o cu la locuzion "su di"
sinonimi
su, su di
esempi
"lui non si varès mai riscjât di alsâ i voi sù par jê in considerassion dal stât miserabil che si cjatava"
da "Nita e Nesto" di Ranieri Mario Cossâr
sù par loc.prep.
In ciertis varietâts, ancje par introdusi il complement di argoment
sinonimi
su, in fat di, in cont di, sul cont di
esempi
"il plait sù pal matrimoni, sù par Nart , sù pal stât di Line, sù pal avignî che le spietave, sù pe convenience di cjoli Nart e sù pe sigurece che chel matrimoni ur varès dât a dutis dôs, al durà a lunc, fin miezegnot passade"
da "Cretevierte" di Roberto Ongaro
Torna in Cima