Hai cercato la parola
monolingue
Torna indietro

monolingue

sù av.
In posizion alte, tun puest alt, bande di alc o di cdn. che al è adalt e v.i.
sinonimi
adalt, insù
esempi
"al sint la vôs de femine po al cjale sù e al viôt chê biele fantatel"
da "Blancje come la nêf" di Andreina Nicoloso Ciceri
"e jere corude sù in cjamare a cjoli un cussin"
da "Chei di Muraie" di Pieri Menis
sù av.
In riferiment a un valôr, un pês, une cuantitât e v.i.., in cuantitât grande o plui grande
sinonimi
insù
esempi
"i presits a vadin sù che a consolin, dì par dì"
da "Il pietin e il grop" di Josef Marchet
sù av.
In funzion, in cjarie, spec. intune posizion jerarchiche alte, in posizion di podê
esempi
""Viôt di stâ sù president fin che tu âs finide cheste vore [...]""
da "Memoriis di politiche linguistiche" di Adrian Cescje
sù av.
Intune posizion o colocazion specifiche, massime di un ogjet o imprest, tal so puest
esempi
"se tu ûs, podìn entrâ: je sù la clâf"
da "Par lis gnocis Percût-Braçà" di Pieri Çorut
sù av.
Sveât, no a durmî
sinonimi
in pîts, impins
esempi
"e tignive in dret la cjase; e e jere sù prime di ducj, scuasit prime che la zornade e ves lusôr di albe"
da "Cjase di Dalban" di Maria Forte
"son stâts sù dute la gnot"
da "Il voli di chest mont" di Catarine Percude
sù av.
Spec. di une costruzion, cu la struture che e je impins, in esistence
esempi
"dilunc lis stradis de citât a son sù ancjemò mûrs di toressis e di palaçs"
da "Viaç aes origjins dal Logos" di Adrian Cescje
"sì, chê grande cjase e je ancjemò sù, no stâ a bacilâ"
da "Ricuarts e inlusions" di Enrico Martina
sù av.
Spec. di vistîts, scarpis e sim., intor dal cuarp
sinonimi
aduès, induès, intor
esempi
"l'utent al varà di presentâsi inte zornade e inte ore concuardade, cun sù la mascarute"
da "Orari Ufici Licencis ETPI" di Aministrazion Publiche
sù av.
Suntune superficie
esempi
"une zovine e sta picjant dai manifescj cun sù scrit il program des esibizions"
da "La maree nere" di Checo Tam
"sot il ferâl al jere il clap cul non di Rivuinis di sù"
da "La aghe da pît la cleve" di Dino Virgili
sù av.
Dentri tun veicul
esempi
"doi fantats che a jerin là sot, ducj sanganâts [...] o verin [...] a pene il timp di strissinâju sù te nestre machine e scjampâ di corse"
da "Sul agâr" di Pieri Menis
sù av.
Sul fûc, a scjaldâsi, a boli, a cueisi
esempi
"Margarite e Arduin a jerin za daûr a meti sù il prin cafetut de zornade"
da "L'om misteriôs" di Antescûr
"ise za sù la aghe pe polente?"
sù inter.
Ancje ripetût, par sburtâ o ancje par criticâ, mostrâ che si è in disacuardi, che no si crôt e v.i.
esempi
"«Sù, bevêt… vuê e je fieste grande… » e cussì bocâi e bocâi di vin a metevin colôr su lis musis dai invidâts"
da "Chei di Muraie" di Pieri Menis
""Sù, sù, fra amîs, al po cjacarâ cun libertât""
da "Il gnûf plevan" di Angelo Covazzi
""Sù, sù, Linde, no stâ rabiâti!""
da "Barbane" di Pieri Somede dai Marcs
"al saveve che Jacum nol diseve cussì par tristerie, ma si sintì ferît: "Sù, Jacum! Ti ai pûr dit che no bevarai altri""
da "Tal ospedâl" di Amedeo Giacomini
sù s.m.inv.
Part disore (fam.)
sinonimi
disore, parsore
esempi
"un murut cul sù dut plen di muscli"
proverbi
"a fuarce di cori sù e jù, ancje la cuarde e fruie la piere dal poç"
"a Sant Simon si tire sù la cjalce e il scufon"
"daspò cjapât sù trê voltis il fûs a une fantate, si sclape la fave"
"Sant Scugnî al fâs lâ di rive sù"
Torna in Cima