SuperDizionari

sacrifici s.m.
(sa-cri-fi-ci)

In religjons paganis e cristianis, ufierte rituâl di dons o vitimis ae divinitât, fate par mostrâ sudizion, ricognossince o par fâ onôr

esempi

"la int e jere prontade pal sacrifici a Junon: dîs pioris e dîs vidielis grassis"

da "Amîs come prime" di Alan Brusini

"i soi sacrificis [al diu celtic Esus] vignivin fats picjant la int e fasintle a tocs"

da "Ah! la provincie" di Sandri Di Suald

Vedi anche: sagrifici, sacrifizi

sacrifici s.m.
(sa-cri-fi-ci)

Ufierte de sô vite par difindi un valôr, un ideâl o il ben dal prossim

sinonimi

martueri

esempi

"Ermacure, prin vescul di Aquilee, e Furtunât so diacun, cul sacrifici de lôr vite a àn plantade chenti la prime comunitât cristiane"

da "Sagre dal Patriarcjât" di Roman Michelot

sacrifici s.m.
(sa-cri-fi-ci)

Rinunzie dure sopuartade di pueste par un ciert fin

sinonimi

rinunzie

esempi

"se al ves fat par amôr di Diu o dal prossim une piçule part des faturis e dai sacrificis che al à fats par sparagnâ bêçs, a cheste ore al sarès dal sigûr in ponte dal paradîs"

da "Lis predicjis dal muini" di Josef Marchet

"gno pari al è pront a fâ ogni sorte di sacrifici pe famee"

da "Sul florî" di AAVV

sacrifici s.m.
(sa-cri-fi-ci)

(zûcs) Tai scacs, mosse di fâsi mangjâ une pedine par vuadagnâ un vantaç

sacrifici inter.
(sa-cri-fi-ci)

Esclamazion di maravee, rabie e v.i.

sinonimi

sacrament, sacranon, ostie, usti, ustinon

esempi

""Tomâs [...] mi à riferît che chê femine là [...] e ven di Mortean... Che e sedi Tunine? [...]" "Sacrifici!... Tunine?... Propri jê?...""

da "L'ultin di carnevâl là di Plet" di Arturo Feruglio

""Sacrifici! E cuestionin fra di lôr!"

da "La morose di Carlo" di Giuseppe Marioni

monolingue