Hai cercato la parola
monolingue
Torna indietro

monolingue

salvâ v.tr.
(sal-vâ)
Gjavâ di un pericul, permeti di sorevivi, di restâ o di tornâ in salût e v.i.
sinonimi
curâ, puartâ a salvament, redimi, riscatâ, vuarî
esempi
"in chel fûr pal barcon disot viôt a saltâ fûr fûc e flamis. “Salvaitle, salvaitle, o Diu la mê frute. Madonute benedete, salvaitle!”"
da "No je plui vive" di Dolfo Zorzut
"no vevin rivât a salvâi i pîts che za a tacavin a butâsi in gangrene"
da "Il muc" di Roberto Ongaro
"un purcit che al à il mâl rossin no si salvilu. Un che al tente, al piert timp, al spint bêçs e nuie altri"
da "A marcjât" di Meni Ucel
salvâ v.tr.
(sal-vâ)
No fâ dal mâl, no copâ
sinonimi
sparagnâ
esempi
"jo a 'nd ai simpri sintût a dî che bisugne salvâ lis lancis che a vegnin a bevi une gote di lat te stale"
da "Tiaris di Acuilee" di AAVV
salvâ v.tr.
(sal-vâ)
Conservâ la funzionalitât o la integritât di alc
sinonimi
parâ
esempi
"si à rivât a salvâ lis funzions essenziâls di ducj e doi i reatôrs e, dai 13 di Març, a controlâ pression e temperadure pompant aghe di un condensadôr traviers di un circuit di sigurece"
da "Il disastri de centrâl nucleâr di Fukushima Dai-ichi" di Alessandro Pascolini
salvâ v.tr.
(sal-vâ)
Preservâ, protezi cdn. di un pericul o di un dam morâl o spirituâl
sinonimi
vuardâ, preservâ, protezi
esempi
"Diu, lui al à pazience cun nô e ancje nô cun lui. [...] Al rive cun calme, sigûr e al salve"
da "La glesie di Aquilee e je stade une mari che nus à fats nassi e cressi come popul" di Francesc Placerean
"Crist al intint salvâ i oms midiant dai oms"
da "Sant Jacum, là che al finìs il mont" di Antoni Beline
salvâ v.tr.
(sal-vâ)
(sport) Di un zuiadôr, soredut di un difensôr, impedî al ultin moment che la scuadre aversarie e segni (ancje ass.)
esempi
"il Cagliari al rispuint cuntun pâr di cross di Nandez e di Lykogiannis, che al servìs ben Joao Pedro, ma Samir al salve cuntun grant intervent"
da "Cagliari – Udinese 1-1" di Marc Stolf
salvâ v.tr.
(sal-vâ)
Spec. intal gjerundi, par introdusi une ecezion
sinonimi
gjavâ
esempi
"par me, maledete la ore che i è vignude la idee di cjoli un pitôr in cjase. Salvant la madone che al è daûr a fâ…"
da "Co l'amôr al cimie" di Costantino Smaniotto
"tu sês une besteate, salvant il batisim!"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
salvâ v.tr.
(sal-vâ)
[TS] (inform.) Regjistrâ inte memorie periferiche o su di un supuart magnetic o digjitâl i dâts che a son inte memorie di lavôr, ancje ass.
salvâ v.tr.
(sal-vâ)
Tignî di bande, tignî di cont spec. par doprâ tal moment just
sinonimi
meti in bande, sparagnâ, tignî, vuardâ
esempi
"cun chel pôc di aur che o ai podût salvâ, soi partide di là des monts"
da "Mame..." di Pieri Somede dai Marcs
proverbi
"bisugne salvâ l'ort pes verzis"
"bisugne salvâ la panze pai fîcs"
"cui che al salve la sô piel al salve un grant cjistiel"
"cui che al vûl salvâ la panze pai fîcs che nol ledi in vuere"
"par salvâ la piel no stâ lassâ scjampâ il jeur"
Torna in Cima