SuperDizionari

monolengâl

salvâ v.tr.
(sal-vâ)

Gjavâ di un pericul, permeti di sorevivi, di restâ o di tornâ in salût e v.i.

sinonims

curâ, puartâ a salvament, redimi, riscatâ, vuarî

esemplis

"in chel fûr pal barcon disot viôt a saltâ fûr fûc e flamis. “Salvaitle, salvaitle, o Diu la mê frute. Madonute benedete, salvaitle!”"

gjavât fûr di "No je plui vive" di Dolfo Zorzut

"no vevin rivât a salvâi i pîts che za a tacavin a butâsi in gangrene"

gjavât fûr di "Il muc" di Roberto Ongaro

"un purcit che al à il mâl rossin no si salvilu. Un che al tente, al piert timp, al spint bêçs e nuie altri"

gjavât fûr di "A marcjât" di Meni Ucel

salvâ v.tr.
(sal-vâ)

No fâ dal mâl, no copâ

sinonims

sparagnâ

esemplis

"jo a 'nd ai simpri sintût a dî che bisugne salvâ lis lancis che a vegnin a bevi une gote di lat te stale"

gjavât fûr di "Tiaris di Acuilee" di AAVV

salvâ v.tr.
(sal-vâ)

Conservâ la funzionalitât o la integritât di alc

sinonims

parâ

esemplis

"si à rivât a salvâ lis funzions essenziâls di ducj e doi i reatôrs e, dai 13 di Març, a controlâ pression e temperadure pompant aghe di un condensadôr traviers di un circuit di sigurece"

gjavât fûr di "Il disastri de centrâl nucleâr di Fukushima Dai-ichi" di Alessandro Pascolini

salvâ v.tr.
(sal-vâ)

Preservâ, protezi cdn. di un pericul o di un dam morâl o spirituâl

sinonims

vuardâ, preservâ, protezi

esemplis

"Diu, lui al à pazience cun nô e ancje nô cun lui. [...] Al rive cun calme, sigûr e al salve"

gjavât fûr di "La glesie di Aquilee e je stade une mari che nus à fats nassi e cressi come popul" di Francesc Placerean

"Crist al intint salvâ i oms midiant dai oms"

gjavât fûr di "Sant Jacum, là che al finìs il mont" di Antoni Beline

salvâ v.tr.
(sal-vâ)

(sport) Di un zuiadôr, soredut di un difensôr, impedî al ultin moment che la scuadre aversarie e segni (ancje ass.)

esemplis

"il Cagliari al rispuint cuntun pâr di cross di Nandez e di Lykogiannis, che al servìs ben Joao Pedro, ma Samir al salve cuntun grant intervent"

gjavât fûr di "Cagliari – Udinese 1-1" di Marc Stolf

salvâ v.tr.
(sal-vâ)

Spec. intal gjerundi, par introdusi une ecezion

sinonims

gjavâ

esemplis

"par me, maledete la ore che i è vignude la idee di cjoli un pitôr in cjase. Salvant la madone che al è daûr a fâ…"

gjavât fûr di "Co l'amôr al cimie" di Costantino Smaniotto

"tu sês une besteate, salvant il batisim!"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

salvâ v.tr.
(sal-vâ)

[TS] (inform.) Regjistrâ inte memorie periferiche o su di un supuart magnetic o digjitâl i dâts che a son inte memorie di lavôr, ancje ass.

salvâ v.tr.
(sal-vâ)

Tignî di bande, tignî di cont spec. par doprâ tal moment just

sinonims

meti in bande, sparagnâ, tignî, vuardâ

esemplis

"cun chel pôc di aur che o ai podût salvâ, soi partide di là des monts"

gjavât fûr di "Mame..." di Pieri Somede dai Marcs

detulis

"bisugne salvâ l'ort pes verzis"

"bisugne salvâ la panze pai fîcs"

"cui che al salve la sô piel al salve un grant cjistiel"

"cui che al vûl salvâ la panze pai fîcs che nol ledi in vuere"

"par salvâ la piel no stâ lassâ scjampâ il jeur"

torne sù