SuperDizionari

sbati v.tr.
(sba-ti)

Movi alc cun fuarce di mût che al finissi cuintri di alc altri, che al dedi un colp

esempi

"cence pierdisi in altris cjacaris si metè il sialet e le fûr sbatint la puarte"

da "La cjase di Toni" di Tarcisio Venuti

"chel baston, lui lu veve sbatût cun fuarce rabiose suntune des taulis, che la bree e veve cricât"

da "Trê feminis" di Gianni Gregoricchio

sbati v.tr.
(sba-ti)

Fâ lâ cun fuarce, ancje cun autoritât o prepotence (ancje fig.)

esempi

"Florence e je une localitât masse centrâl par Felix, al pense il Ministeri dal Interni, che, passât un mesut, lu sbat fint a Licata, tal Sud de Sicilie"

da "Felix Marchi, un soversîf te "Grande Vuere"" di Donato Toffoli

"tal so destin, che le sbateve mo ca mo là, e viodeve un messedot balort di vicendis"

da "Ombris tal infinît" di Carlo Sgorlon

sbati v.tr.
(sba-ti)

Messedâ cun fuarce

sinonimi

bati

esempi

" i veve za parecjât un bon pagnut e sbatût un ûf cu la marsale"

da "Storie di Min" di Ivano Urli

sbati v.tr.
(sba-ti)

Movi plui voltis une part dal cuarp

sinonimi

bati

esempi

"la aghe, il pantan mi rivavin za sul stomi, o ciulavi, o sintivi a ciulâ, o pontavi, o sbatevi i braçs ma lavi simpri plui sot"

da "Resurezion a Pontinie" di Pieri Somede dai Marcs

"i tremà il lavri sot, al sbatè lis ceis, cence peraule"

da "La aghe da pît la cleve" di Dino Virgili

"una ocja che passa e sbat li alatis tal polvar"

da "Al rusignûl svuarbât" di Ugo Pellis

sbati v.tr.
(sba-ti)

Vê rapuarts sessuâi (volg.)

sinonimi

fotâ, foti, sfotâ, taconâ

esempi

"si è fate sbati ancje di Meni, chê troie!"

da "Tal ospedâl" di Amedeo Giacomini

sbati v.intr.
(sba-ti)

Lâ cuintri di alc o di cdn.

sinonimi

dâ cuintri, fâ cuintri, pocâ, urtâ, lâ intor, bati, trucâ, trussâ

esempi

"a aghe che e scor sbatint par ogni scoi formant la sbrume"

da "Cretevierte" di Roberto Ongaro

"al lave [in biciclete] tant che un mat tes rivis jù: al à sbatût cuintri la caserme dai alpins di Tarcint"

da "I coridôrs di Tresesin" di Alan Brusini

sbati v.intr.
(sba-ti)

Vê moviments, impats o colps o dâ une sensazion di impats o colps in maniere ripetude

sinonimi

bati, sbatacolâ

esempi

"a sveâlu al jere stât chel sbati, chel sdrondenâ continui e fastidiôs dai scûrs dal barcon"

da "Aiar di cjase" di Franca Mainardis

"il cûr al ti sbat tal cuel"

da "Catinuta" di Ugo Pellis

monolingue