SuperDizionari

monolingue

sbrume s.f.
(sbru-me)

Complès formât di tantis bufulis di aiar tacadis tra di lôr

esempi

"si rît, si scherce e la bire e je ancjemò plui buine, cu la sbrume che e lasse il segn ator dai lavris e su la barbe"

da "Faliscjis" di Cristina Noacco

"la aghe e jere torgule e a lamacs parsore vie, e la sbrume di tancj savons, penze e incragnide ator ator sot lis lastris di piere"

da "La aghe dal Ariul" di Maria Forte

Vedi anche: brume

sbrume s.f.
(sbru-me)

Forme o pretese superficiâl une vore scjassose, ma cence nissune sostance (fig.)

sinonimi

fum

esempi

"se in dut Udin, cun passe cent e cincuante predis, a vevin dibisugne ancje dai clerics [pes funzions di Pasche dal vescul], al vûl dî che no vevin nuie, dome sbrume"

da "La fabriche dai predis" di Antoni Beline

sbrume s.f.
(sbru-me)

Part piês, categorie piês (fig.)

sinonimi

scart

esempi

"su la place a rivave la sbrume de maleducazion, de tristerie e de violence"

da "Storie dal popul furlan" di Pieri Piçul

sbrume s.f.
(sbru-me)

Part plui grasse dal lat che si infissìs parsore cuant che si lu lasse fer

sinonimi

creme, sbrum, pane, cjapiel dal lat

esempi

"la none e sbat la butilie de sbrume par fa la spongje"

da "Viarte in mont" di Sergjo Visentin

Vedi anche: brume

sbrume s.f.
(sbru-me)

Sorte di tiessût fof, in gjenar di coton

esempi

"Si lavave tal seglot... Crote... Lis mans lizeris a passavin cuntun panzel di sbrume blancje, su la piel colôr di rose..."

da "La aghe da pît la cleve" di Dino Virgili

proverbi

"la buine cjar e fâs putrope sbrume"

Torna in Cima