Hai cercato la parola
monolingue
Torna indietro

monolingue

scherç s.m.
Azion, espression, discors, fat cul fin di ridi e di fâ ridi cdn., in câs ancje cun tristerie par fâ ridi di cdn.
sinonimi
baruchele, burle, burlete, gabe, sblefe, zornade
esempi
"al jere un om che si clamave Nocent. Nol jere tant svelt e cualchidun si divertive ancje a fâi dai scherçs [...] i meterin tal cjâf che i cjamps sul Tiliment a van vendûts a pês e no a misure"
da "Cemût pesâ la tiere" di Angelo Covazzi
scherç s.m.
Fat o efiet negatîf, che al rive cence spietâsal
sinonimi
brut scherç, brut tîr, mateç, tîr
esempi
"«Ce stupide» e disè. «E pûr o savevi che il vin gnûf mi fâs mâl. Us displasial dami une man?» [...] «Staiso pôc ben?» i domandà Eliseo. «Un scherç dal vin gnûf. Al passarà»"
da "Prime di sere" di Carlo Sgorlon
scherç s.m.
Azion che no presente nissune dificoltât, che si pues fâ cence impegnâsi (fig.)
sinonimi
zûc, zûc di lodulis, zughet
esempi
"intai agns dai miei gjenitôrs e massime dai miei nonos, cjatâ la morose nol jere un scherç"
da "Sul florî" di AAVV
scherç s.m.
[TS] (st.mus.) Composizion di savôr popolan, origjinarie dal Sîscent
proverbi
"i scherçs a vuelin fats a timp e lûc"
Torna in Cima