SuperDizionari

scjassâ v.tr.
(scja-ssâ)

Movi cun fuarce o sveltece, ancje plui voltis

sinonims

sacodâ, spacâ, remenâ, sdrondenâ

esemplis

""[...] Guri, sintistu?" lu scjassà pal braç"

gjavât fûr di "La aghe da pît la cleve" di Dino Virgili

"il 6 di Mai dal '76, a lis 9 e minûts sot sere, un taramot trement al à scjassât il Friûl massime su la prime linie des monts"

gjavât fûr di "Cuintristorie dal Friûl dal 1866 fint in dì di vuê" di Francesc Placerean

"un scriç al scjassave la code su la rame plui basse di un pin"

gjavât fûr di "Tal ospedâl" di Amedeo Giacomini

scjassâ v.tr.
(scja-ssâ)

Colpî cun violence la emotivitât di cdn., fâ impression, pôre e v.i. (fig.)

sinonims

conturbâ, impressionâ, sbarlufî, sconciertâ, sconvolzi, scossâ

esemplis

"une scjarie di colps che si pierdè tal aiar… Come un rivoc cence fin che ducj a jerin usâts a sintî. Che nol scjassave plui nissun,… in chê lûs fusilade a buinore"

gjavât fûr di "Cjase di Dalban" di Maria Forte

scjassâ v.tr.
(scja-ssâ)

Movi, dâ un stimul, che al pues jessi ancje negatîf o traumatic, massime cu la finalitât, l'efiet o la pussibilitât di cambiâ une situazion (fig.)

sinonims

dâ une scjassade, dâ une sdrondenade, dâ une spacade

esemplis

"lis tensions che a vevin scjassât il grup fondadôr a jerin personâls e politichis"

gjavât fûr di "Un Friûl difarent: i 90 mhz di Onde Furlane" di Max Mauro

"vie pal secul XVI la Europe e je scjassade di cetantis rivoltis popolârs"

gjavât fûr di "Il Friûl de Joibe Grasse dal 1511" di Carli Pup

"se un scandul al scjasse un partît, pronts a zurâ che ducj i partîts a son scandalôs"

gjavât fûr di "Filosofie padronâl" di Riedo Pup

scjassâ v.tr.
(scja-ssâ)

Fâ vignî fûr dal sium o ancje di un straviament, di un pinsîr e v.i.

sinonims

dismovi

esemplis

"jê e veve començât a pisulâ su la taule. Ma i pugns e i sberlons dai zuiadôrs le scjassavin"

gjavât fûr di "Amîs come prime" di Alan Brusini

scjassâ v.intr.
(scja-ssâ)

Movisi cun fuarce, ancje cun moviments ripetûts

sinonims

scjassâsi, spacâsi, sacodâsi, tremâ, sdrondenâsi, sdrondenâ

esemplis

"a pene che al è lât a mont il soreli, ve la tiere che e scjasse, ve il cîl che al tarlupe; la buere si scjadene e tu sintis il berli dal montafin"

gjavât fûr di "Il Lâc di Cjavaç" di Josef Cjargnel

"un tren che de Ucraine in Gjermanie al sdrondene, al scjasse, mo al cor cul so bot cuant che al dîs di cori, mo si ferme par oris e oris se al dîs di fermâsi"

gjavât fûr di "Storie di Vera" di Ivano Urli

monolengâl