SuperDizionari

scliçâ v.tr.
(scli-çâ)

Someti alc a pression, ancje fin a fâi cambiâ posizion, forme o fin a disfâlu

sinonimi

macâ, macjâ, macolâ, fracâ, sfracaiâ

esempi

"nô lu sburtarin e lu scliçarin par ben e al passà pe puarte de stue"

da "Sense" di Checo Tam

"cuntun colp sec sul poleâr i scliçà la ongule"

da "Il muc" di Roberto Ongaro

"[il cjalcjut] ti cjalcjave e ti striçave e ti scliçave tal jet; ti mancjave el flât e no tu podevis moviti"

da "Il cjalcjut che al sclice" di Popolâr

scliçâ v.tr.
(scli-çâ)

Fâ jentrâ o fâ vignî fûr un licuit o un fluit cuntune cierte pression

sinonimi

sborfâ, spandi, spergotâ, scliçotâ

esempi

"no tu stâs fer un moment, tu disturbis chei altris, tu ur fasis bocjatis, tu ur sclicis ingjustri…"

da "Gusto" di Meni Ucel

scliçâ v.tr.
(scli-çâ)

Bagnâ, sporcjâ cun sclipignadis

sinonimi

bagnâ, sbrufâ, sclabaçâ, spergotâ, sclipignâ

scliçâ v.intr.
(scli-çâ)

Di licuit o di un altri fluit, saltâ ator, saltâ fûr

sinonimi

saltâ, spreçâ, sclipignâ

esempi

"al viodè lis sclipignadis a scliçâ e colâ su la jerbe"

da "Caposassi" di Riedo Pup

"las machenos e passo sveltos di front di lui, e l’ago tal asfalt a i scliço un tic sù pai bregons"

da "Geologicamente impossibile" di Fulvio ReddKaa Romanin

monolingue