SuperDizionari

scosse s.f.
(sco-sse)

Moviment imburît e curt, ancje ripetût

sinonimi

spacade, sdrondenade, sdrondenon, sgorlade, sgorlon, sacodade, scjas, scjassade, scossade, scosseade

esempi

"une altre scosse [dal tram] i fâs fâ une corsute indaûr, po dopo une indenant"

da "Miei prime" di Lucia Scorziero

"là che al è stât il vêr taramot come a Glemone, Tarcint, Vençon e dute chê zone taramotade, dopo de grande scosse di Setembar, ducj i abitants ju àn puartâts a Lignan, Grau e altris bandis"

da "Jo e Graziella" di Mario Beltramini

scosse s.f.
(sco-sse)

Mudament o turbament improvîs (fig.)

sinonimi

spacade, sdrondenade, sdrondenon, sgorlade, sgorlon, sacodade, scjas, scossade, scosseade, scjassade

esempi

"disponi il teren par che la gnove sistemazion e puedi jessi graduâl e seguitive, cence grandis scossis e grancj disordins"

da "Su altris fondis" di Josef Marchet

"si visave ben sì, Dorine, dal tenent Luccio! Par jê e jere stade une scosse di chês che a lassin il segno a lunc ta la anime"

da "Chei di Muraie" di Pieri Menis

scosse s.f.
(sco-sse)

Efiet dât sul organisim di une scjarie eletriche

esempi

""Ah, la scosse! Ahhhhhhhhhhhhhhhh i fîi scuvierts ce dolôr ce dolôr! Diu ce mâl!!!!!!""

da "Sense" di Checo Tam

"cjapâ une scosse malandrete par vie de aghe, plene di eletric"

da "Siôr Dreute" di Bepo Marion

monolingue