Hai cercato la parola
monolingue
Torna indietro

monolingue

scrit adi.
Fat o che si fâs cu la scriture, cui segns grafics
esempi
"no jerin disponibilis dutis lis fonts diretis che a coventaressin par un vêr lavôr di ricercje storiche, vâl a dî documents scrits e, soredut, regjistrazions audio des trasmissions"
da "Un Friûl difarent: i 90 mhz di Onde Furlane" di Max Mauro
"al è dome dal 1971 che Giovanni Frau, pe prime volte, al bute peraule di une declinazion pai sostantîfs, tal timp prin des primis testemoneancis scritis de lenghe"
da "Cualchi ipotesi sul furlan di prin di scrivilu" di Zorç Cadorin
"o ai presentât un document scrit, articolât in obietîfs di azion, dividût par categoriis di intervent"
da "Memoriis di politiche linguistiche" di Adrian Cescje
scrit adi.
Che al à parsore un test
esempi
"i rive un libri che al à dentri un piçul sfuei scrit par latin"
da "Friûl e furlans te Histoire de ma vie di Giacomo Casanova" di Pierluigi Visintin
"là sù, su la strade, e je une piere scrite: «Strada di Germania» e une frece e mostre de bande des monts di Cjargne"
da "Il mulin" di Dino Virgili
scrit adi.
Di carateristiche, umôr, pinsîr o ancje di colpe e v.i., pandude de espression (fig.)
esempi
"Catina, ridusuda jê femina in voi, mans e gnerf, a tirâ sù sio fi cu li scarpeti, a veva scrit su la musa la passiensa, duta chê che a i coventà par vivi"
da "Scarpeti" di Novella Cantarutti
"i disevin che la bausie si viodile a cori pal nâs: i pareve di vê scrit tai voi, sui lavris, te muse: «O ai bussade Gjine...»"
da "Dôs feminis e un frut" di Dino Virgili
"la felicitât e je scrite intai voi di chei zovins"
da "Faliscjis" di Cristina Noacco
scrit adi.
[BF] Decretât, destinât (fig.)
sinonimi
destinât, fissât
esempi
"salacor al jere scrit intal libri dal timp che o varessin tornât a cjatâsi"
da "Trê feminis" di Gianni Gregoricchio
scrit s.m.
Cualsisei test rapresentât di segns grafics
esempi
"par cirî di fâle finide cun dutis chestis mormorazions Cavedalis al preparà un scrit difensîf [...] par che lu publicassin tai gjornâi"
da "Zuan Batiste Cavedalis - Une vite esemplâr" di Giovanni Pillinini
"i scrits di Camillo a forin publicâts dopo de sô muart, e nancje ducj"
da "Il brevet" di Mario Turello
"li letari dal biât om a vevin implenât na cassiluta che Rosa a tigneva platada tal salâr e il cour di jê al veva tacât a fâ cinisa, a provâ gust e spasim smamîts cuant che a leeva i scrits che a rivavin"
da "Li Anzuliti" di Novella Cantarutti
scrit adi.
Che al à un aspiet che al somee cuviert di segns, riis, ponts e v.i.
esempi
"fasûi scrits"
"un garoful scrit"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"a àn cjatât scrit te sacre scriture: che a lavorin i viei che a àn la piel dure"
"ce che al è scrit al è scrit"
"ce che al è scrit in cîl, nissun no lu disfe in tiere"
"ce che al è scrit, si leilu"
Torna in Cima