Hai cercato la parola
monolingue
Torna indietro

monolingue

scuadre s.f.
(scua-dre)
Grup di personis che a colaborin par une ativitât
esempi
"Nibale al jere a vore suntune fornâs in France cuntune scuadre di furlans"
da "Orazions" di Meni Ucel
"une scuadre di ricercjadôrs de Universitât di Udin e à ideât un implant pe produzion di energjie solâr fat di spiei in batarie"
da "Il soreli intun spieli" di Redazion il Diari
scuadre s.f.
(scua-dre)
Grup di atletis o zuiadôrs, o anche pedinis o tocs di zûc, che a zuin insiemi o che a stan de stesse bande
sinonimi
formazion, grup
esempi
"o viôt miôr Brasîl, Ingletiere, Spagne… a son dutis scuadris fuartonis. O pensi che la Italie e podarà dî la sô, ancje se mi somee dure che e rivedi a puartâ a cjase la Cope dal Mont"
da "Interviste a Dino Zoff" di Christian Romanin
"il Nino al zuiave cun La Rovente, la scuadre di balon dal Sante Marie"
da "Veruska" di Ivano Urli
scuadre s.f.
(scua-dre)
[TS] (milit.) Il plui piçul grup dal esercit, formât di uns dîs soldâts e comandât di un sotuficiâl o di un uficiâl
esempi
"ogni tant une scuadre cui mûi, e lave jù tai paîs, Tulmin, Cjaurêt, Pleç, a fâ rifurniment di mangjative, armis, munizions e altris stocs"
da "La cartuline" di Alan Brusini
"il comandant, cun dute calme, dopo di vê inschiriât denant di lôr la scuadre che e veve di fusilâju, ur disè [...]"
da "Il muc" di Roberto Ongaro
scuadre s.f.
(scua-dre)
[TS] (stor.) Grup di fassiscj pront a intervignî in maniere violente
sinonimi
scuadrate, scuadrace
esempi
"passe 10.000 elements judicâts pericolôs pe publiche sigurece [...]. Dute cheste int, dongje di dâ oms pes scuadris fassistis, e veve une funzion di snazionalizazion"
da "La seconde Irlande" di Carli Pup
scuadre s.f.
(scua-dre)
Grup di personis dât dongje di un cualsisei rapuart, par esempli di amicizie, di interès, di ideis e v.i.
sinonimi
bande, briade
esempi
"Toni e Tilio, i plui grancj de scuadre [di amîs], a van li di Silvio a scusâsi e a domandâi dai colaçs [robâts di un lôr amì], trops che a 'nd jere, par paiâlu lôr di persone"
da "I colaçs" di Meni Ucel
scuadre s.f.
(scua-dre)
Grup di personis, in acezion in cualchi maniere negative (iron.)
sinonimi
clape, cubie
esempi
"Pertini al torne a Rome par vie che nol po infidâsi a lassâ bessôi chê scuadre che al à al guvier"
da "Ce doi sul Adamello!" di Riedo Pup
"cjaliju li, ce scuadre...."
Torna in Cima