SuperDizionari

monolengâl

scunît adi.
(scu-nît)

Che al è jù di morâl, che al è intune cundizion psicologjiche o psicofisiche negative

sinonims

aflit, corât, demoralizât, deprimût, nichilît, avilît, malinconic, sconsortât, scuintiât, deprès, desolât, jù, lancurôs, gram, maluseriôs, ingusît, malapaiât, disperât, abatût, dolentrât, grot, malabiât, passionôs, suturni, discunît

esemplis

"la int restade e tornave a jentrâ fra chei mûrs, scunide, disperade, vaìnt"

gjavât fûr di "Il muc" di Roberto Ongaro

"barbe Mateo al veve scoltade la gnece cence bati voli e po cuant che e finì al restà scunît, cence peraule"

gjavât fûr di "Chei di Muraie" di Pieri Menis

"Catin e tornà indaûr doi dîs dopo, scunide di fam e cui fruts che a vevin piturât tai voi i spavents di chel viaç"

gjavât fûr di "Dome la cjampanute di Sant Bortul" di Maria Forte

scunît adi.
(scu-nît)

Che al è intune cundizion negative in gjenerâl, no dome a nivel psicologjic

sinonims

deprimût, disfat, discunît, nichilît, sdrumât, deprès

esemplis

"o vin di produsi une domande di bens e di servizis sociâi che e puedi dâ un gnûf sburt a une economie tant scunide, come chê de nestre mont"

gjavât fûr di "Stai de Cjargne, no stin lassâju murî" di Dino Temil

torne sù