Hai cercato la parola
monolingue
Torna indietro

monolingue

scus s.m.
Rivistiment, pal solit dûr, che al cuvierç ûfs, pomis o ancje il cuarp di ciertis bestiis
sinonimi
sglof, sglofe, cape
esempi
"gjavâ il scus dal ûf dûr"
"rompi il scus de cocule"
"i fruts a mateâ tal curtilut plen di scus di cais e di plumis di ucieluts"
da "Il vivi al è chel rangjâsi" di Maria Forte
"la tartarughe [...] i ten ancjemò bot [al gjal], cu lis çatis grampadis par tiere par no molâ e dute sierade tal so scus"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
scus s.m.
In espressions di comparazion, par dî che alc al è plen o straplen (fig.)
esempi
"a scrupulavin, in buine fede, che al fos cjamât di bêçs come un scus"
da "Pre Pitin" di Antoni Beline
"le gleisie plene come un scus e, a le fin, un batimans che a nol finive pui"
da "Mandi Italo, ti impensistu...?" di Latino
scus s.m.
In espressions di afiet, par indreçâsi a une persone che si vûl ben (fig.)
esempi
"scus gno, o ai pinsîr che si torni a sglonfâ il dedon grues dal to pît. Curiti ben"
da "Chê dì che al neveà a Vignesie" di Agnul di Spere
scus s.m.
Rivistiment vegjetâl ancje no dûr
scus s.m.
Vite parade, protete o passive o cence responsabilitâts (fig.)
sinonimi
nît
esempi
"a chestis personis [di valôr] si volarès dî une peraule: che a jessin fûr dal scus, che a metin al servizi de lôr tiere la lôr capacitât"
da "Fûr cui che i tocje" di Josef Marchet
scus s.m.
Aparence, esterioritât che e pues platâ une sostance diferente o che e pues protezi (fig.)
sinonimi
scusse
esempi
"al veve simpri mostrât une muse ruspie come un scus. Cumò, il vin i faseve mossit il cjacarâ cun ducj"
da "La tiere di Lansing" di Maria Forte
scus s.m.
[TS] (arch.) Sacomadure cuntun ingjâf a cuart di cercli, tipiche dal stîl doric e cjapade de architeture baroche
esempi
"doi barcons semicircolârs si vierzin de bande çampe e une curnîs a scus e cor sot de linde"
da "Glesie di Sant Carli Borromeo" di AAVV
Torna in Cima