SuperDizionari

monolengâl

scusse s.f.
(scu-sse)

Membrane esterne, plui o mancul gruesse e dure, che e fâs di protezion di pomis, tubars o altris parts vegjetâls

esemplis

"a vevin mangjât un chilo di mandarins. Nissun zeut par butâ vie lis scussis, e jê lis veve metudis tun gjornâl, e il gjornâl te borse"

gjavât fûr di "In viaç di domenie" di Agnul di Spere

"la scusse ruspie dai pôi sul ôr da la aghe"

gjavât fûr di "La aghe da pît la cleve" di Dino Virgili

"sul prât il piorâr al soflave tun sivilot fat di scusse di morâr"

gjavât fûr di "Clâr e scûr" di Pieri Somede dai Marcs

scusse s.f.
(scu-sse)

Part esterne e plui o mancul dure ancje di altris robis, soredut di mangjâ, no dome vegjetâls

scusse s.f.
(scu-sse)

Corace dure di cierts animâi, soredut dai crustacis

esemplis

"scussis di cais vueidis e crevadicis"

gjavât fûr di "Il vivi al è chel rangjâsi" di Maria Forte

scusse s.f.
(scu-sse)

Piel di une persone o di animâl (fig.)

sinonims

corean, piel

esemplis

"«Puars i puars» al diseve Berton de Rosse, un omenon di scusse palombe, che al veve la malatie de sflacje e si poiave saldo al lament"

gjavât fûr di "La tiere di Lansing" di Maria Forte

"[i cavalîrs] ogni trê cuatri dîs a mudavin scusse e ogni volte a deventavin plui biei"

gjavât fûr di "I viars di sant Jop" di Catarine Percude

scusse s.f.
(scu-sse)

Aparence, aspiet esteriôr (fig.)

sinonims

scus

esemplis

"[lis cuatri timporis] a jerin cussì impuartantis e sintudis de societât contadine che la Glesie lis veve tiradis dentri cence problemis tal calendari liturgjic cristian, mudant dome la scusse"

gjavât fûr di "Jenfri vîfs e muarts" di Sandri Carrozzo

scusse s.f.
(scu-sse)

Cualitât di cui che al resist cun facilitât al dolôr, aes faturis, che si ripie di malatiis, che al ven fûr di pericul e v.i.

esemplis

""Coragjo" dissè jê "o vês une buine scusse ancjemò""

gjavât fûr di "Chê massanghe plui grande" di Maria Forte

"«Bastian, cun chê scusse che o vês, o scugnarês murî di vecjaie: lis malatiis nuie di fâ!»"

gjavât fûr di "Il malât di Cime Undis" di Alan Brusini

scusse s.f.
(scu-sse)

[BF] Persone che no si compuarte ben, che al è pôc ce fidâsi

sinonims

lane, blave, plume, fiube

esemplis

"al è une scusse, chel li!"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

detulis

"se tu mangjis luvins e tu ti voltis indaûr tu viodarâs cualchidun a mangjâ lis scussis"

torne sù