"in cualchi conte si dîs che la aghe si à di lassâle intun cjaldîr di ram, e che ancje il cop par cjapâle sù al à di jessi di ram, se di no i muarts si rabiin e a sdrondenin dutis lis pignatis de cusine"
gjavât fûr di "Friûl di Magance" di Sandri Carrozzo
"la cjampane e veve batût nûf colps intal scûr. Cualchi minût dopo, la tiere si je metude a tremâ, a sdrondenâ lis cjasis come se e ves voie di gjavâses de schene"
gjavât fûr di "Faliscjis" di Cristina Noacco
sdrondenâv.tr. (sdron-de-nâ)
Puartâ ator cdn. cuntun mieç di traspuart che al à vibrazions, tant che la caroce, il cjar e v.i. (scherç.)
esemplis
"une volte o marcjavi simpri a pît, / lavi a cjatâ i amîs, / cun lôr o me soravi un cuatri dîs; / ma in vuê, che son sunâts sessantesîs, / se vuei lâ fûr di ca / devi par fuarce fâmi sdrondenâ"
gjavât fûr di "Un viaç fortunât" di Pieri Çorut
sdrondenâv.intr. (sdron-de-nâ)
Movisi ca e là cun fuarce e vibrazions e sunsûr
esemplis
"i cjars a passavin sdrondenant par stradis intorteadis tai cjanâi"
gjavât fûr di "La aghe da pît la cleve" di Dino Virgili
"al bute fûr da puarte il çoc che al si rodole sdrondenant jù pes scjalis"
gjavât fûr di "Al fresc" di Pieri Somede dai Marcs
sdrondenâv.tr. (sdron-de-nâ)
Dâ un stimul, massime par fâ vignî fûr di une cundizion di inerzie o di passivitât (fig.)
"sintât suntune bale di stran, sot de barconele grise di sgjarpiis, al veve tacât a fâ cori lis sôs fantasimis; e cussì fin che la vôs di sô mari no lu veve sdrondenât"