SuperDizionari

sdrumâ v.tr.
(sdru-mâ)

Butâ jù, fâ colâ, spec. distruzint

sinonimi

butâ jù, disdrumâ, fâ jù, parâ jù, distruzi, disfâ

esempi

"al è rivât adore di cjoli un pâr di cjamputs di tiere e une barache che al à sdrumade par fâ sù une sô cjasute"

da "Lis predicjis dal muini" di Josef Marchet

"un torint di aghe turbide, velmose, scjavalgjant ripârs, sdrumant murets e rostis e plombà viamente su la plane"

da "La bissebove" di Pieri Somede dai Marcs

"la cjase tal mieç de citât no je plui. Sdrumade des bombis"

da "Storie di Vera" di Ivano Urli

Vedi anche: sdurumâ

sdrumâ v.tr.
(sdru-mâ)

Vinci cuntune vore di superioritât (fig.)

sinonimi

disfâ, stravinci, distruzi

esempi

"o pensavin di vinci e nus àn sdrumâts 4 a 0"

sdrumâ v.intr.
(sdru-mâ)

Colâ jù, spec. distruzintsi

sinonimi

vignî jù, sdrumâ jù, slacâ, colâ, sdrumâsi, sdrupâ

esempi

"[dopo dal taramot] e jere voie di ricostruî tai stes puescj li che al jere sdrumât"

da "Memoriis di politiche linguistiche" di Adrian Cescje

"i tornave, cumò, ancje un burlâ strani tal cjâf… come di tiere che e sdrume"

da "La tiere di Lansing" di Maria Forte

monolingue