Tu âs cirût la peraule
monolengâl
torne indaûr

monolengâl

serie s.f.
(se-ri-e)
Sucession ordenade di robis, personis, fats o argoments in relazion tra di lôr
sinonims
cjadene, secuence, sfilze, sucession, rie
esemplis
"une partide di scacs e je fate di une serie di mossis consecutivis"
gjavât fûr di "Zuìn di scacs" di Nilde Teresa Negro
"il disberdeelenghe e je une frase o une serie di peraulis che nol è facil dî sù svelts par vie des aliterazions"
gjavât fûr di "Sacheburache" di Zuan Nazzi Matalon, Ottorino Burelli
serie s.f.
(se-ri-e)
Complès di monedis, biliets di bancje, o di une lotarie o di assegns di un unic grup
esemplis
"la compagnie dai siet Agnui e à podût vê, non sai cemût, il dissen de future monede, e a 'nd stampin une serie, e ator ator, là che al veve di jessi scrit «Kaiser und König», ti sgnachin tant di «Regno di Buie»"
gjavât fûr di "Lis leiendis di Buie" di Pieri Menis
serie s.f.
(se-ri-e)
(filat.) Complès des figuris di boi di une stesse emission
serie s.f.
(se-ri-e)
(tipogr.) Complès dai caratars che si distinguin pe pendence, normâl e corsîf, pal ton, grues e clâr, pe largjece, stret, larc e normâl, pe forme alfabetiche, maiuscul e minuscul
serie s.f.
(se-ri-e)
Complès dai numars di une riviste o di publicazions che a àn carateristichis in comun
sinonims
colezion, golaine, racuelte
esemplis
"Lamuela al scrivè [...] un dizionariut de terminologjie chimiche, Chimiche, [...]. Agnul Pitane al produsè Algjebre, Analisi Matematiche e Gjeometrie, che al fo l'ultin de serie. Donât Toful Gjeografie – Toponomastiche foreste"
gjavât fûr di "Memoriis di politiche linguistiche" di Adrian Cescje
serie s.f.
(se-ri-e)
Produzion televisive o radiofoniche fate di plui episodis
esemplis
"la serie tv Felici ma Furlans, rivade ae seconde stagjon, [...] e jere rivade, ancjemò in Lui, a 220 mil visualizazions in rêt"
gjavât fûr di "Gnovis cine" di Fabian Ros
serie s.f.
(se-ri-e)
[TS] (sport) Ognidune des categoriis li che i atletis o lis scuadris a son dividûts daûr de lôr prestance
esemplis
"o ai tacât cui zovins e te stagjon 61-62 o ai fat lis ultimis 4 partidis in serie A"
gjavât fûr di "Interviste a Dino Zoff" di Christian Romanin
serie s.f.
(se-ri-e)
[TS] (industr.) Complès di prodots o parts di prodots compagns di un sôl model
esemplis
"la “Superautomatica” [...] e jere la ultime gjenerazion di une serie za scomençade cualchi an prime cu la Rex 250"
gjavât fûr di "Cuintristorie dal Nûfcent 1950-1960" di Angelo Floramo
torne sù