SuperDizionari

sfuarçâ v.tr.
(sfuar-çâ)

Obleâ cdn. a fâ alc

sinonims

obleâ, pleâ

esemplis

"lu cjapà par un braç par sfuarçâlu a tornâ dentri. «Ven, ven cun nô a bevi un got»"

gjavât fûr di "La tiere di Lansing" di Maria Forte

"i insegnants a sfuarçavin i gjenitôrs a no fevelâ par furlan ai fruts, cu la false justificazion che no varessin imparât ben la lenghe uficiâl"

gjavât fûr di "Un paîs furlan in Argjentine: Colonia Caroya" di Sandri Carrozzo

sfuarçâ v.tr.
(sfuar-çâ)

Impegnâ une vore di fuarce o plui fuarce dal normâl par otignî un risultât, par indusi alc a dâ un risultât cuintri di une resistence o di une inerzie

esemplis

"un grup di maris e paris talians che a volevin che i lôr fîs a savessin ben il todesc [...] a àn sfuarçât il sisteme de scuele materne taliane par fâ jentrâ ogni dì une ore di todesc"

gjavât fûr di "Il cjâf dai furlans" di Franc Fari

sfuarçâ v.tr.
(sfuar-çâ)

Indusi a une cressite o a une produzion plui svelte e plui bondante di ce che al è naturâl o normâl

esemplis

"no conven sfuarçâ lis plantis cun masse ledan"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

"si à di meti a produzion / ogni blec, ogni cjanton, / e sfuarçâ la agricolture, / fâ al teren mudâ nature. / Contadins, finìs culì, / no mi reste altri ce dî; / e vês il Contadinel / e podès consultâ chel"

gjavât fûr di "Pronostic del Strolic piçul par l'an 1857" di Pieri Çorut

sfuarçâ v.tr.
(sfuar-çâ)

Vierzi alc cu la fuarce, ancje fasint un dam

esemplis

"soi rivât sul scurî, il paîs mieç brusât, cuasi nissun pe strade, la puarte di cjase sierade… o bat, o sfuarci la puarte… nissun!"

gjavât fûr di "L'ombrenâr" di Pieri Somede dai Marcs

"i àn sfuarçât la puarta, / i àn parât jù i armarons / e al comodin. / Jo ju spetâve, platât / sot al liet. / “AH, DIU! / I SON RIVÂTS / I UMANS!”"

gjavât fûr di "La nâf spaziâl" di Federico Tavan

sfuarçâ v.tr.
(sfuar-çâ)

Fâ alc in maniere no spontanie, no naturâl

esemplis

"al sfuarçà une ridade di zenziis scoloridis"

gjavât fûr di "Il tei" di Maria Forte

sfuarçâ v.tr.
(sfuar-çâ)

[BF] Fâ violence sessuâl

sinonims

violentâ

monolengâl