Tu âs cirût la peraule
monolengâl
torne indaûr

monolengâl

sglonf adi.
Ben plen di aiar, o di une altre sostance, tant che e je une pression interne
sinonims
sglonfât
esemplis
"il balon isal avonde sglonf?"
"cualchi cadavar di bestie [inneade], za sglonf di aghe o di aiar"
gjavât fûr di "Ombris tal infinît" di Carlo Sgorlon
sglonf adi.
Cressût di volum (ancje fig.)
esemplis
"la Vierte e slusiche tal cîl, e sburte tai butui sglonfs"
gjavât fûr di "La aghe da pît la cleve" di Dino Virgili
"al clamave ducj a cjalâ i raps sglonfs e lusints di most, su la ore de vendeme"
gjavât fûr di "Cjase di Dalban" di Maria Forte
sglonf adi.
Voluminôs
sinonims
larc
esemplis
"il vistît sglonf di sede latisine"
gjavât fûr di "Cjase di Dalban" di Maria Forte
"cu li mans sul grim e li manii sglonfi e blancji da li cjamesi che a i plovevin jù da li spali come rosi strachi"
gjavât fûr di "La femina di Marasint" di Novella Cantarutti
"cu la daspe e faseve sù acis e acis, fofis e sglonfis che po dopo e faseve boli"
gjavât fûr di "Chei di Muraie" di Pieri Menis
sglonf adi.
Cjapât di une passion, di une emozion, di une sensazion e v.i., ancje cuntune sô manifestazion fisiche (fig.)
sinonims
plen
esemplis
"al mi rispuindè cuntun ridi sfuarçât e cul cûr sglonf"
gjavât fûr di "Sant Simon: 28 di Otubar 1917" di Pieri Somede dai Marcs
"al jere un spietâ dolorôs e tal stes timp sglonf di sperance"
gjavât fûr di "Aiar di cjase" di Franca Mainardis
"i voi di Oletta a jerin sglonfs di lagrimis, ma no veve voie di vaî"
gjavât fûr di "Faliscjis" di Cristina Noacco
sglonf adi.
Che nol sopuarte plui, che al è al limit parcè che al è secjât, sustât o stufât (fam.)
sinonims
ingomeât, passût, plen, saceât, stuf
esemplis
"pre Nocent al crôt che la disperazion mi vedi voltât el çarviel, e al pracure di cuietâmi. "Anìn Titute, anìn Titute!..." "O soi sglonf, pre Nocent, o soi sglonf! [...]""
gjavât fûr di "Viaç a Vignesie" di Arturo Feruglio
"o sin sglonfs come botis di propagande nazionalistiche sfuarçade, vueide e bausarie"
gjavât fûr di "Blestemis" di Josef Marchet
sglonf adi.
Esagjerât, che al met masse in mostre il benstâ o une cierte cualitât (fig.)
esemplis
"[lis grandis cenis] i parevin na sglonfadura, al era deventât dut sglonf in cjasa"
gjavât fûr di "Il spiçot" di Novella Cantarutti
sglonf adi.
Di stîl, lengaç e v.i., enfatic
sinonims
baroc, enfatic, retoric, sflandorôs, tonant
esemplis
"chel inovâl [dai 4 di Novembar] si è jemplât simpri plui di retoriche sglonfe"
gjavât fûr di "Dopo dai 4 di Novembar, dôs cjançons a son miôr di une" di Marc Stolf
sglonf s.m.
Il jessi plen o ce che al è plen
esemplis
"si impareve la sô madrigne, setade intun vistît che al meteve in mostre dut il sglonf de sô cicine"
gjavât fûr di "Trê feminis" di Gianni Gregoricchio
torne sù