SuperDizionari

sgrisulâ v.intr.
(sgri-su-lâ)

Tremâ di frêt

sinonimi

tremâ, sgrisulâsi, ingrisignîsi, insgrisulâsi, tremolâ, ingrisulâsi, ingrisulîsi

esempi

"al sgrisulave tant che un basalisc, si ben il clip de temperadure che si jere tirade sù i suiàs il gaban"

da "Il lôf" di Fabian Ros

Vedi anche: grisulâ, sgrisulî, grisulî

sgrisulâ v.intr.
(sgri-su-lâ)

Vê o mostrâ moviments piçui svelts e ripetûts, ancje no pal frêt (ancje fig.)

sinonimi

tremâ, sgrisulâsi, ingrisignîsi, insgrisulâsi, tremolâ, ingrisulâsi, ingrisulîsi

esempi

"sù pal troi de roie, i salets e i gjatui a sgrisulavin di moscjam, cualchi avostan ta la ombrene al començave a cisicâ la sô preiere"

da "La massarie" di Dino Virgili

sgrisulâ v.intr.
(sgri-su-lâ)

Vê impression, pôre, orôr o sim.

sinonimi

insgrisulâ, insgrisulâsi, sbalsamâsi, sbarlufîsi, scaturîsi, sgrisulâsi, scaturî

esempi

"jo o sgrisuli dome che a pensâi"

da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

sgrisulâ v.tr.
(sgri-su-lâ)

Fâ tremâ di frêt o fâ sintî une vore di frêt

esempi

"Lisute si sentave in bande, cui pîts tai mulotuts, poiâts sul salizo de cjamare. Un teraç che i sgrisulave di frêt lis gjambis fin ai zenoi e jes faseve di plomp"

da "Cjase di Dalban" di Maria Forte

"une lame di frêt mi sgrisulà dute la schene"

da "Il solt di Arlunc" di Gianluca Franco

sgrisulâ v.tr.
(sgri-su-lâ)

Fâ tremâ, ancje no di frêt (ancje fig.)

esempi

"l'empit de passion che ti sdrondene la anime e che ti sgrisule il cuarp di voie"

da "Trê feminis" di Gianni Gregoricchio

monolingue