SuperDizionari

monolengâl

sience s.f.
(sien-ce / si-en-ce)

Complès di cognossincis otignudis cun osservazions ordenadis e verificadis, che a puedin jessi ripetudis

esemplis

"al è interessant notâ che – cun dute cheste enfasi su la separazion jenfri sience e religjon – i doi plui grancj fisics de storie, Newton e Einstein, a son stâts un grum interessâts e inmagâts des cuistions religjosis"

gjavât fûr di "Teologjie algjebriche" di Sergio Cecotti

"i limits de sience a jerin chei che a jerin e cualchi volte al zovave plui il fisic fuart dal malât che no lis medisinis"

gjavât fûr di "Cretevierte" di Roberto Ongaro

Viôt ancje: sjience, sienzie, sjienzie

sience s.f.
(sien-ce / si-en-ce)

Il vê nozions in gjenerâl, di une cualsisei ativitât o dissipline

sinonims

cognossince, cundizion, sapience, savê

esemplis

"no sai se al ves tante sience intorsi par vie che cuant che al scomençave la lezion al poiave i voi suntun libri viert su la catidre e po nus fevelave"

gjavât fûr di "Un cuatri in italian" di Pieri Somede dai Marcs

"par vivi e vûl sience e cussience; la cussience a voaltris us e à mangjade il gjat e pe sience po, o sês tant che il mus"

gjavât fûr di "Il mâl dal tor" di Alan Brusini

sience s.f.
(sien-ce / si-en-ce)

Singule dissipline dal savê

esemplis

"la Astronomie une sience, / che i vûl grant studi a imparâle e grant pazience"

gjavât fûr di "Pronostic del 1824" di Pieri Çorut

"nus àn insegnât che la sience des leçs e fo la plui grande virtût e prerogative dai nestris paris romans"

gjavât fûr di "L'esempli di adalt" di Josef Marchet

sience s.f.
(sien-ce / si-en-ce)

[TS] (religj.) Un dai siet dons dal Spirt Sant che al permet di viodi lis robis creadis inte lôr relazion cun Diu

detulis

"cui che al è batût al è ancje fortunât, par sience o par sostance"

"la sience e spieghe i fats, la fede ju capìs"

torne sù