Hai cercato la parola
monolingue
Torna indietro

monolingue

sience s.f.
(sien-ce / si-en-ce)
Complès di cognossincis otignudis cun osservazions ordenadis e verificadis, che a puedin jessi ripetudis
esempi
"al è interessant notâ che – cun dute cheste enfasi su la separazion jenfri sience e religjon – i doi plui grancj fisics de storie, Newton e Einstein, a son stâts un grum interessâts e inmagâts des cuistions religjosis"
da "Teologjie algjebriche" di Sergio Cecotti
"i limits de sience a jerin chei che a jerin e cualchi volte al zovave plui il fisic fuart dal malât che no lis medisinis"
da "Cretevierte" di Roberto Ongaro
Vedi anche: sjience, sienzie, sjienzie
sience s.f.
(sien-ce / si-en-ce)
Il vê nozions in gjenerâl, di une cualsisei ativitât o dissipline
sinonimi
cognossince, cundizion, sapience, savê
esempi
"no sai se al ves tante sience intorsi par vie che cuant che al scomençave la lezion al poiave i voi suntun libri viert su la catidre e po nus fevelave"
da "Un cuatri in italian" di Pieri Somede dai Marcs
"par vivi e vûl sience e cussience; la cussience a voaltris us e à mangjade il gjat e pe sience po, o sês tant che il mus"
da "Il mâl dal tor" di Alan Brusini
sience s.f.
(sien-ce / si-en-ce)
Singule dissipline dal savê
esempi
"la Astronomie une sience, / che i vûl grant studi a imparâle e grant pazience"
da "Pronostic del 1824" di Pieri Çorut
"nus àn insegnât che la sience des leçs e fo la plui grande virtût e prerogative dai nestris paris romans"
da "L'esempli di adalt" di Josef Marchet
sience s.f.
(sien-ce / si-en-ce)
[TS] (religj.) Un dai siet dons dal Spirt Sant che al permet di viodi lis robis creadis inte lôr relazion cun Diu
proverbi
"cui che al è batût al è ancje fortunât, par sience o par sostance"
"la sience e spieghe i fats, la fede ju capìs"
Torna in Cima