Tu âs cirût la peraule
monolengâl
torne indaûr

monolengâl

sierâ v.tr.
(sie-râ)
Meti un element, ancje mobil, intune posizion che e impedìs la comunicazion, il passaç e v.i.
esemplis
""[...] Spietait nome un credo, tant che o sieri chestis puartis, se no i laris mi fasin il disio""
gjavât fûr di "Meni Fari" di Luigi Gortani
"o sieravi ancje i scûrs dai barcons e o impiavi la lûs"
gjavât fûr di "I forescj" di Alan Brusini, Gian Paolo Linda
Viôt ancje: serâ, sarâ, sirâ
sierâ v.tr.
(sie-râ)
Fâ che un spazi, un contignidôr o sim. nol sedi viert, acessibil e v.i.
esemplis
"dopo cene, cetantis mascaris a balâ in cjase Dordul e li ridi, sierâur la cjamare par no che a vadin a durmî, çocâ e cjantâ"
gjavât fûr di "Une cotule pal dì de sagre" di Pieri Menis
"il nono al veve sierât il camarin cuntun lochet grues e si puartave simpri ator lis clâfs"
gjavât fûr di "Sante" di Checo Tam
"sierâ il bussulot de marmelade"
sierâ v.tr.
(sie-râ)
Unî, fâ che si cometin lis parts o i lements di alc, di une linie, di un grup e v.i., in mût che e risulti une forme, une linie, une superficie continue
esemplis
"sierâ un cercli"
sierâ v.tr.
(sie-râ)
Tirâ dongje parts di un vistît o sim.
sinonims
leâ, peâ
esemplis
"une cjamesute scure cu lis maniis lungjis ravaiadis in comedon e cuntun cordonut che le sierave fin sot dal cuel"
gjavât fûr di "Cretevierte" di Roberto Ongaro
sierâ v.tr.
(sie-râ)
Tornâ a meti dongje o tignî strent alc che al steve viert, spec. se componût di plui elements
sinonims
pleâ, strenzi
esemplis
"Jacum svelt al sierà il pugn e al metè la man in sachete"
gjavât fûr di "Baste la mosse" di Angelo Covazzi
" o vierç la puarte: Catia e stâ leìnt un libri. "Che mi scusi" mi dîs, "o voi vie dal lamp". E siere il libri"
gjavât fûr di "I forescj" di Alan Brusini, Gian Paolo Linda
"sierâ la ombrene"
sierâ v.tr.
(sie-râ)
Fâ che no si puedi plui passâ
sinonims
blocâ, stropâ, taiâ, tressâ
esemplis
" in puartis di Glemone il vigjil cui braçs a viert i siere la strade juste in chel che al steve rivant"
gjavât fûr di "Amîs come prime" di Alan Brusini
sierâ v.tr.
(sie-râ)
Tignî dentri o delimitâ un spazi
sinonims
cenglâ, cenzi, cercenâ, cerclâ, cjapâ dentri, cludi, confinâ, contornâ, coronâ, incenglâ, sierâ intor, torcenâ
esemplis
"[...] la stangjaçade par confin, disore, il puarton di fier dal zardin, su la strade, a sieravin un mont di vert e di ombrene"
gjavât fûr di "La aghe da pît la cleve" di Dino Virgili
"la Mont Grande [...] dibot e sierave la val a misdì, lassant viert nome un strentoi par che al surtìs il riul e une stradute"
gjavât fûr di "Cretevierte" di Roberto Ongaro
sierâ v.tr.
(sie-râ)
Fâ deventâ insensibil o indisponibil (fig.)
esemplis
"sierâ il cûr al amôr"
sierâ v.tr.
(sie-râ)
Meti intun puest che nol è viert o tal viert
esemplis
"la sô femine ae casse, [...] pronte sui bêçs cu lis mans plenis di anei, a contâju, a sierâju tal cassetin che al sune"
gjavât fûr di "Par stradis lungjis" di Alan Brusini
sierâ v.tr.
(sie-râ)
Obleâ a stâ intun puest controlât
sinonims
meti dentri
esemplis
"i todescs [...] dopo vê cjapât lui e la sô femine Norme a Vignesie, dulà che a jerin scuindûts, ju àn sierâts tun cjamp di concentrament a Carpi"
gjavât fûr di "Tripoli bel sol d'amore" di Pieri Somede dai Marcs
sierâ v.tr.
(sie-râ)
Tignî blocât
sinonims
fermâ, strenzi
esemplis
"a jerin trê bussulots di bande che a sieravin te smuarse de glace cualchi gjambe secje di autunâl"
gjavât fûr di "Prime di sere" di Carlo Sgorlon
sierâ v.tr.
(sie-râ)
Inderedâ il moviment o il passaç
sinonims
blocâ, strenzi
esemplis
"l'atacant al è stât sierât dai difensôrs"
sierâ v.tr.
(sie-râ)
Puartâ insom, concludi o assisti ae conclusion (ancje ass.)
sinonims
finî, concludi
esemplis
"cussì, sierant il discors, o dîs che o soi tant contente de mê situazion"
gjavât fûr di "Sul florî" di AAVV
"o sierìn un altri an, e ce an. Dificil, ruspiôs"
gjavât fûr di "Editoriâl" di Dree Valcic
sierâ v.tr.
(sie-râ)
[TS] (zûcs) In cualchi zûc di cjartis, vinci la man metint in taule lis cjartis tes cumbinazions previodudis (ass.)
sierâ v.tr., v.intr.
(sie-râ)
Fermâ, dismeti une ativitât (ancje ass.)
esemplis
"malon ancje l'andament des aziendis: a àn sierât in 1275, cuintri 1051 che a àn vierzût"
gjavât fûr di "Casse integrazion" di Redazion il Diari
"intant che dutis lis associazions no fassistis a son stadis sieradis dal fassisim, la SFF e à podût continuâ la sô ativitât"
gjavât fûr di "La colonie" di Sandri Carrozzo
sierâ v.intr.
(sie-râ)
Di plui parts, cometisi, lâ dongje o sim.
sinonims
sierâsi, dâsi dongje
esemplis
"a Denêl Cjandùs, par vie che al jere tarondin, [la vieste] no i sierave ben denant"
gjavât fûr di "Tinut di Libro" di Pieri Menis
sierâ v.intr.
(sie-râ)
Rinunziâ, spec. in maniere definitive, a une persone, a un rapuart, a une ativitât, a un costum e v.i.
sinonims
finî, finîle
esemplis
"o ai cognossût miôr gno barbe Primo cuant che o jeri plui grant, cuant che al à sierât cul pugjilât e al à scomençât cu la lote libare"
gjavât fûr di "in Storiis e Memoriis di Furlans in Grande Bretagne Lunari 2010" di John Carnera
"vonde, cun te o ai sierât!"
detulis
"a chei che ur sierin la puarte, il Signôr ur spalanche il puarton"
"a un lari in cjase no si siere mai"
"ai laris di cjase no si siere mai"
"ai laris no si ur siere lis puartis"
"cjamp sierât al è mieç coltât"
"cjan e vilan no sierin mai la puarte"
"cuant che il lari al à robât,nol ocor sierâ la puarte"
"cuant che lis bolps si consein, sierait il gjalinâr"
"cui che al jentre ultin che al sieri la puarte"
"cui che al reste daûr che al sieri la puarte"
"cui che ben al siere al cjate"
"cui che ben al siere ben al vierç"
"il Signôr al siere une puarte e al vierç un barcon"
"la avemarie sunade, la fantate sierade"
"no si à di sierâ la chebe co l'uciel al è scjampât"
"no stâ spietâ di sierâ il cjôt daspò scjampade la purcite"
"nol vâl sierâ la stale co a son stâts robâts i bûs"
"se il Signôr al siere une puarte, ind vierç cent"
"se il Signôr al siere une puarte, ind vierç dôs"
"se si siere une puarte, si vierç une altre"
"spalancâ i voi parsore il ben, sierâ un voli parsore il mâl"
torne sù