Tu âs cirût la peraule
monolengâl
torne indaûr

monolengâl

siet s.m.
Numar naturâl che al ven daspò dal sîs e prime dal vot e segn che lu rapresente
esemplis
"«Cinc e doi siet»"
gjavât fûr di "Il tinel" di Pieri Somede dai Marcs
siet adi.num., pron.num.
In cuantitât di sîs unitâts plui une, ancje cun valôr sostantivât o cun sostantîf sotintindût
esemplis
"suntun cjantonâl siet o vot libris metûts in file"
gjavât fûr di "A scuele" di Pieri Menis
"tal tacuin siet francs in carantans, palanchis e vincjutis"
gjavât fûr di "Bandiere" di Pieri Somede dai Marcs
"passât il novantesim, i minûts di recupar a son siet e al sucêt un pôc di dut"
gjavât fûr di "Udinese – Genoa 1-0" di Marc Stolf
siet s.m., s.m.pl.
Setime zornade dal mês
esemplis
"ai siet di Setembar dal 2014, Rosane e Renzo a àn celebrât lis gnocis di aur"
gjavât fûr di "Faliscjis" di Cristina Noacco
siet s.f.pl.
Setime ore daspò de miezegnot
sinonims
siet a buinore, siet di buinore, siet di matine
esemplis
"mi racomandi: a siet justis in pont, a vore, lunis che al ven"
gjavât fûr di "Il muc" di Roberto Ongaro
"vuê di matine, a siet, o ai sintût, di gnûf, cjantâ pe vile"
gjavât fûr di "Cjantâ pe vile" di Laurin Zuan Nardin
siet s.m.
Judizi scolastic che al rispuint a di un profit plui che suficient
esemplis
"cjapâ siet tal compit di matematiche"
siet s.m.
Cjarte di zûc contrassegnade dal numar siet o cun siet elements
esemplis
"“Balote! Tu mi âs fat capî di vê il trê di denârs e tu mi butis il siet. Tu mi âs fat straçâ la briscule!”"
gjavât fûr di "Se ti perdi tuo danno" di Checo Tam
siet s.m.
Sbregadure o tai a scuare (coloc.)
esemplis
"i jentre une sclese [di bombe] intune culate che alore i Titins sal strissinin daûr e par gjavâje ur tocje fâi un siet cul curtìs e medeâlu ae buine di Diu"
gjavât fûr di "Storie di Min" di Ivano Urli
"saltarin un fossâl, / e il siôr, ingredeantsi intun cison, / al fasè doi biei siets tel veladon"
gjavât fûr di "La mê ospitalitât" di Pieri Çorut
siet s.m.
Pôre improvise
sinonims
spac, spaghet, sbigule, spavent
esemplis
"i compagns, massime dopo chel siet dal sivîl, a 'nd jere tancj pronts a cedi lis lôr dalminis a lui, sacrificâsi e tornâ indaûr discolçs"
gjavât fûr di "Gran Dio benedite l' Italia" di Riedo Pup
siet s.m.
[TS] (sport) Tal balon, cjanton alt de puarte
esemplis
"punizion di Muriel, tirade benonon juste tal siet, che e torne a puartâ la Atalanta in vantaç"
gjavât fûr di "Udinese – Atalanta 2-3" di Marc Stolf
"un portiron che al svole a gjavâ vie la bale dal 7 dulà che e jere inviade a finî"
gjavât fûr di "Vincjedoi" di Laurin Zuan Nardin
detulis
"a fâ di so cjâf, si vîf siet agns di plui"
"a pestâ aghe tal mortâl, ancje daspò siet agns e jes aghe"
"a vuelin siet umign a fâ une cjase, e baste une femine a strucjâle"
"al è miôr brusâ siet vilis che no pierdi un dirit"
"ancje il just si inçopede siet voltis in dì"
"il pan dai altris, chel plui bon, al à siet crostis e chel plui dûr ind à nûf"
"il pan dai parons al à siet crostis"
"il pan di servî al à siet crostis e bisugne rompi i dincj par mangjâlu"
"la blesteme a va ator siet agns e po e torne a colâ su par cui che le da"
"lis feminis a àn siet vitis e un vitin"
"lune setembrine a siet lunis si inchine"
"ogni cjase al è il so diaul e tai convents a son siet diaui par cop"
"pan di paron al à siet crostis e un croston"
"prin di maridâsi siet braçs e une lenghe, daspò maridadis siet lenghis e un braç"
"Sante Catarine o sîs o siet co vigne, spietimi a Sant Tomât che o vignarai cul cjar cjamât"
"se al plûf a Sant Zorzon, siet montanis e un montanon"
"se nol cjante ai siet o ai vot, o che al è muart o che al è cuot"
torne sù