Tu âs cirût la peraule
monolengâl
torne indaûr

monolengâl

sigurece s.f.
(si-gu-re-ce)
Mancjance di pericui, il no jessi in pericul o il no vê pericui
esemplis
"tal paîs cjadût tes sgrifis dal Re Erode no jere plui ni justizie ni sigurece, ma caprici pardut e prepotence"
gjavât fûr di "La maledizion dai luvins" di Catarine Percude
"la Vierte dal '67, di fat, si à començât a sintî a dî che ca e là a metevin sù une “vuardie nazionâl pe sigurece dal popul” ... Alore chi le àn nasade a colp: la vuardie e jere pe sigurece dai siôrs, parcè che pal popul al è vonde cualchi vuardian"
gjavât fûr di "Il prin moto" di Riedo Pup
sigurece s.f.
(si-gu-re-ce)
Dispositîf che al impedìs a un aparât di funzionâ in maniere pericolose o no volude
esemplis
"si metè in vuaite cul mitra cu la sigurece discjanade e pront a trai"
gjavât fûr di "Il muc" di Roberto Ongaro
sigurece s.f.
(si-gu-re-ce)
Situazion economiche, professionâl, sociâl, familiâr, sentimentâl e v.i. che e permet di no vê pinsîrs pal avignî
esemplis
"le veve tant bramade, Crist, chê sigurece… chel vivi seren cence plui fenzi!"
gjavât fûr di "La tiere di Lansing" di Maria Forte
sigurece s.f.
(si-gu-re-ce)
Mancjance di dubi, di pôre, paronance di se, di ce che si sa, domini su la situazion
sinonims
paronance, control
esemplis
"e la sigurece po che al veve, paron di se, [...] al mostrave une dignitât sô personâl avuâl al non de sô famee"
gjavât fûr di "Come tai romançs" di Alan Brusini
"no veve mai cjalât i umigns di un pont masse alt, e par chel no veve scuviert il debil e la pocje sigurece che e je ancje in chei studiâts"
gjavât fûr di "Cjase di Dalban" di Maria Forte
sigurece s.f.
(si-gu-re-ce)
Idee che une robe e sedi vere, juste
sinonims
ciertece, convinciment, convinzion
esemplis
"e veve vût la sigurece che chê tele e sarès stade un afâr cetant bon, metude in biele mostre inte vetrine de sô buteghe"
gjavât fûr di "Il sium di Lissandri" di Franca Mainardis
"si pues dî cuntune cierte sigurece che Tellini al è il pari di ogni idee di Friûl cuntune filusumie diferente e di une sô esistence, reâl o in divignî, tant che nazion autonome"
gjavât fûr di "Il lunari mai jessût - Tellini te prime vuere mondiâl" di Donato Toffoli
"ce mi isal restât des sigurecis di chei agns?"
gjavât fûr di "Trê feminis" di Gianni Gregoricchio
sigurece s.f.
(si-gu-re-ce)
Servizi di vigjilance e protezion
esemplis
"dispès o cjatavin ancjemò rescj umans: o vevin di blocâ dut e di clamâ la sigurece"
gjavât fûr di "Interviste a Manlio Collavino" di Christian Romanin
"al disè a chei de sigurece che a erin rivâts, che al ere dut a puest, che al garantive lui par me"
gjavât fûr di "Kebar krossè" di Stiefin Morat
torne sù