SuperDizionari

simpatic adi.
(sim-pa-tic)

Che, cui che al fâs nassi simpatie, ligrie, plasê di stâ insiemi, di vê a ce fâ e v.i.

sinonimi

afabil, gjubiâl, ninin, plasevul

esempi

"al è di chei simpatics, Pieri. Di chei che te ostarie ti pain simpri il tai, che ti metin la man su la spale e si mostrin contents di vioditi"

da "Delit in vie del Lavoro" di Igor Londero

"un caratar viert e sclet [chel de mestre] che e deventave subit simpatiche a ducj"

da "Sul agâr" di Pieri Menis

"al veve un fâ simpatic e puartât al scherç e ancje un biel ridi"

da "Il muc" di Roberto Ongaro

simpatic adi.
(sim-pa-tic)

Che al plâs e che al divertìs

sinonimi

gjoldibil, ligriôs, plasevul

esempi

"materiâi biei, simpatics e divertents, cuntune grafiche curade e une distribuzion ben pensade"

da "Fantats Furlans: nassûts par crevâ e vonde" di Federica Angeli

simpatic adi.
(sim-pa-tic)

[TS] (anat.) Dal sisteme adrenergjic periferic

esempi

"un sisteme gnervôs autonom (cuntune componente simpatiche e une parasimpatiche)"

da "La evoluzion dal cerviel e de cussience tai vertebrâts" di Franc Fari

simpatic adi.
(sim-pa-tic)

[TS] (filos.) In corints filosofichis e magjichis dal Rinassiment, che al rivuarde carateristichis similârs che a tegnin dongje e a metin in corispondence sostancis e cuarps

simpatic adi.
(sim-pa-tic)

[TS] (chim.) Che al nâs par inflùs indiret tra dôs sostancis o fenomens

monolingue