SuperDizionari

simpatie s.f.
(sim-pa-ti-e)

Armonie o condivision di sintiments o sensazions tra plui personis

esempi

"e nel dolôr imens / di vê piardût il nestri Zacarie, / vin cjatât il compens / di vê cressût fra nô la simpatie. / O vin vaiût insieme, e o vaiarìn / simpri insieme co lu recuardarìn"

da "Il nestri dolôr in muart del arcivescul Zacarie Bricito" di Pieri Çorut

simpatie s.f.
(sim-pa-ti-e)

Sensazion positive dade dal stâ ben cun cdn.

esempi

"il princip che al veve cjapât simpatie tal gnûf amì lu pree di stâ cun lui un pôcs di dîs"

da "I trê cjadreons" di Andreina Nicoloso Ciceri

simpatie s.f.
(sim-pa-ti-e)

Disposizion di anim o inteletuâl positive viers di cdn. o di alc

esempi

"o cirìn di lâ indenant, ancje se la plui part dai furlans nus cjale cun simpatie platoniche cence movi un dêt e nus jude nome di peraulis"

da "Sudizion, la pecje dai furlans" di Josef Marchet

"la sô posizion e je, e e restarà simpri par dute la sô vite, la plui lontane di ogni simpatie pe Austrie, viodude tant che un Stât autoritari"

da "Il lunari mai jessût - Tellini te prime vuere mondiâl" di Donato Toffoli

simpatie s.f.
(sim-pa-ti-e)

Atrazion o interès sentimentâl par cdn.

esempi

""Lis cjacaris a disin che Clare e sarès cjapade di fuarte simpatie... che e sarès cuete...""

da "Vieri e gnûf" di Pieri Piçul

simpatie s.f.
(sim-pa-ti-e)

(filos.) In cualchi filosofie dal Rinassiment, fuarce di atrazion che e lee dôs creaturis une cun chê altre

simpatie s.f.
(sim-pa-ti-e)

[TS] (med.) Tindince di un orghin dal cuarp a disvilupâ la stesse patologjie o afezion di un altri orghin

simpatie s.f.
(sim-pa-ti-e)

[TS] (chim.) Inflùs indiret tra dôs sostancis o fenomens

monolingue