SuperDizionari

slis adi.

Che al à la superficie cence iregolaritâts o cence elements che a dan infûr

sinonims

pulît, vualîf

esemplis

"la velete di sede blancje e slisse che i incurnisave tant ben la muse"

gjavât fûr di "La Madone dai siet dolôrs" di Pieri Somede dai Marcs

"cjatâ une slavare slisse , strete, taronde, al voleve dî sei scuasit sigûrs di fâi fâ cuissà cetancj salts prin che e rivàs di chê altre bande da la aghe"

gjavât fûr di "Tal Cuar" di Lucio Perès

Viôt ancje: lis

slis adi.

Dai cjavei, cence riçots o ondis

sinonims

dret

esemplis

"e jere alte, e veve il cuel lunc e sutîl, il cjâf piçul, i cjavei slis"

gjavât fûr di "Il dolfin" di Carlo Sgorlon

slis adi., s.m.

Cence dificoltâts, cence complicazions (fig.)

sinonims

dret, facil, pulît, sempliç

esemplis

"chest risultât cussì facil e slis al incjocà i patriots e, par un mês, invezit di pensâ che no podeve jessi finide e che il biel al veve di vignî, si bandonarin a une mate baldorie"

gjavât fûr di "Cuintristorie dal Friûl fin sot la Italie" di Josef Marchet

"e cirì di induvinâ ce che al jere nassût a Udin, ma co e capì, des musis legris, che dut al jere stât slis, si bonà"

gjavât fûr di "La tiere di Lansing" di Maria Forte

slis adi.

Di robe di bevi alcoliche, cence glace, aghe o selz

sinonims

rût, rampit, sclet

slis adi.

[TS] (zûcs) Ancje in funz. di av., di zuiade inte briscule o tal tressiet, fate butant jù une cjarte basse, di pôc valôr

esemplis

""Al moto?" "Cale un..." Il zûc al va indevant... "Sôl?" "In bande..." "Va slis!" A batin a fuart lis cjartis su la taule a un biel stros: il vin tes tacis al trime tarlupant"

gjavât fûr di "La aghe da pît la cleve" di Dino Virgili

monolengâl