Hai cercato la parola
monolingue
Torna indietro

monolingue

societât s.f.
(so-ci-e-tât)
Grup di individuis cun relazions organizadis tra di lôr
esempi
"gnots interiis, a confrontâ i nestris pinsîrs e lis nestris idealitâts; a discuti di politiche e di societât"
da "Trê feminis" di Gianni Gregoricchio
"«[...] La societât» al continuà il Talian «no po pensâ in chest mût si sa. Al è di just che e scuegni difindisi, ma l'individui al è plui une vitime dal nassi che un in colpe. [...]»"
da "La tiere di Lansing" di Maria Forte
societât s.f.
(so-ci-e-tât)
Grup di personis che a partegnin a une categorie
esempi
"la societât dai produtôrs, i operaris, no vendin ma a comprin simpri di plui intun marcjât che al incrès simpri di plui la sô ufierte"
da "Liniis di storie sociâl e economiche dal Friûl 1500 – 1800" di Adrian Cescje
societât s.f.
(so-ci-e-tât)
Grup di plui personis che si organize par une cierte finalitât
sinonimi
circul, clape, socie, associazion
esempi
"tal 1919 e nasseve a Gurize, citât a pene concuistade de Italie, la Societât Filologjiche Furlane"
da "La colonie" di Sandri Carrozzo
"la Societât sientifiche e tecnologjiche furlane e je daûr a cressi e a vierzisi simpri di plui al teritori"
da "Docents cuintri de lenghe" di Erika Adami
societât s.f.
(so-ci-e-tât)
Organizazion di personis che su la fonde di un contrat a metin adun bêçs o lavôr par puartâ indevant une ativitât economiche
esempi
"al à vût il so dafâ, magari, a convinci la int. In chê epoche i contadins a jerin malfidents e no jentravin tune societât nancje a murî"
da "La sigurazion des vacjis" di Riedo Pup
"la Regjon, duncje, e domandarà al Guvier talian e aes societâts che a àn fat indenant i progjets, ven a dî Endesa e Gas Natural, di zontâ altris documents"
da "Rigasificadôrs la zonte e domande sclariments" di Redazion Radio Onde Furlane
Torna in Cima