SuperDizionari

sonôr adi.
(so-nôr)

Dal sun, che al à a ce fâ cul sun, che al covente pal sun, tant che fenomen fisic, tant che dimension o element di espression artistiche, tant che vôs e trasmet messaçs e v.i.

esemplis

"[il modem] al cambie lis vibrazions sonoris in ondis eletrichis"

gjavât fûr di "Dizionari talian-furlan di informatiche e gnovis tecnologjiis" di AAVV

"i materiâi informatîfs di cjarte, la segnaletiche, i anunzis sonôrs"

gjavât fûr di "La linie feroviarie Udin Cividât e devente chê de “Il tren des lenghis” cun dute la cartelonistiche e lis informazions par furlan, talian, sloven, todesc e inglês" di Federica Angeli

sonôr adi.
(so-nôr)

Che al sune cun fuarce

sinonims

alt, fuart, rimbombant, sunsurôs, tonant

esemplis

"salût buine, bon pet, sonore vôs, / dincj bogns di mangjâ fen e grant orele"

gjavât fûr di "Di Jacop il ritrat vuei fâti in scrit" di Pieri Çorut

"al sint a vignî fûr une seconde e plui sonore trombetade"

gjavât fûr di "Il matescul di Cjabie" di Luigi Gortani

sonôr adi.
(so-nôr)

[TS] (fon.) Di consonante, che te sô articolazion e compuarte une vibrazion des cuardis vocâls

esemplis

"tal sisteme decretât il segn ‘z' al è za doprât pal câs fonologjic des africadis sonoris"

gjavât fûr di "Memoriis di politiche linguistiche" di Adrian Cescje

monolengâl