Pitance fate di pan, in gjenar sec e brustulât, metût tune scudiele e cuviert di brût cjalt
esemplis
"la none e veve finît di preparâ il pan pes sopis par chei che a tornavin de messe di miezegnot. A di chê ore la vilie e jere finide e un brût di gjaline, pardabon, al va par ogni aìne"
gjavât fûr di "Chei di Muraie" di Pieri Menis
"sul cjadenaç e trote une stagnade di brût pes sopis"
gjavât fûr di "Lis antighis sagris di Tarcint" di Osiride Secco dai Juris
sopes.f. (so-pe)
Fete di pan tocjade tal lat e tal ûf e frite
esemplis
"taiâ il pan a fetis e passa ognidune prime tal lat e po tal ûf sbatût e, subite dopo, frizi te spongje. Meti lis sopis indoradis suntun plat di puartade e passaur parsore un spolvar di zucar"
gjavât fûr di "Sopis indoradis" di Lucian Verone
sopes.f. (so-pe)
Toc di pan, o ancje biscot o sim., tocjât in cualchi licuit
esemplis
"po a tacavin i modons dal pan todesc par fâ lis sopis tal vin blanc o neri"
gjavât fûr di "Gnoçade cosache a Tresesin" di Alan Brusini
"une sope indulà che si cjatin a jessi messedâts, cun cualchi alc di positîf [...] un biel grum di distilâts irazionâi, di leterature, di falsificazions, di contradizions e di bufulis"
gjavât fûr di "Partide dople" di Josef Marchet
sopes.f. (so-pe)
Costipazion di nâs (fig.)
esemplis
"o restìn. Si crodeve di cjatâju distirâts in poltrone, cu la cuzine sui zenoi, e scjatulins di pirulis e potoriis sul taulin. «Ma cemût... cun chê sope... O sês za in vore...»."
gjavât fûr di "La sgnape cu la magne" di Sandri Secco dai Juris
sopes.f. (so-pe)
Situazion negative, dure di sopuartâ o schirie di robis negativis, ancje di pachis (fig.)