Hai cercato la parola
monolingue
Torna indietro

monolingue

soreli s.m.
(so-re-li)
[FO] (astron.) Spec. cun iniz. maiusc., la stele plui dongje de Tiere, tal mieç dal sisteme solâr
esempi
"la Tiere e cor ator dal soreli suntune orbite elitiche [...] a une velocitât medie di dusinte mil km par ore"
da "Archeoastronomie in Friûl" di Nando Patat
Vedi anche: sorêli, sareli, sarêli
soreli s.m.
(so-re-li)
La stele plui dongje de Tiere, tant che fenomen visibil e percepibil
esempi
"il soreli, che al jevave daûr di lôr, al faseve simpri plui clâr il dì"
da "La fuiace de Madone" di Catarine Percude
"su la plui alte cime / al jeve il soreli a buinore / ma chiste no je la ore / di bandonâ l'amôr"
da "Su la plui alte cime" di Popolâr
"sot sere, cul soreli che al leve a mont butant ondadis di aur sul cîl e su la tiere, le viodin a vignî a cjase"
da "Une cotule pal dì de sagre" di Pieri Menis
"tu tramontis tu soreli / e tu cjalis par ducj cuancj / sêstu bon di saludâmi / là che al è il gno cjâr amant?"
da "Tu tramontis" di Popolâr
"l'era il diu celtic Belen, o Belin, diu dal soreli, che la nestra int à adorât fin dentri il timp roman"
da "I fûcs di Belen" di Celso Macôr
soreli s.m.
(so-re-li)
Lûs e calôr produsûts dal soreli (fig.)
esempi
"une dì si jere in Pralunc a fâ fen. Al jere il mês di Lui, e il soreli al scotave"
da "Lis leiendis di Buie" di Pieri Menis
"li rosi [pituradis], tra sorei e ploiis, a son scomparidi dal mûr"
da "Un pitour par me" di Novella Cantarutti
"si butà ancje jê a cjapâ une spere di soreli, a pene fûr di cjase"
da "Cjase di Dalban" di Maria Forte
soreli s.m.
(so-re-li)
Persone che si vuelii ben
sinonimi
lûs, stele, vite
esempi
"e mostrave simpri une muse contente parcè che Sandri al jere il so soreli"
da "Cjase di Dalban" di Maria Forte
soreli s.m.
(so-re-li)
Dome sing., biel timp
sinonimi
biel timp, bon timp, seren
esempi
"dal barcon de sô cjamare [...] e jentrave lûs naturâl e, ancje se no si viodeve il cîl, si podeve capî se al jere soreli o se al jere innulât"
da "Fieste grande di fin Istât" di Gianfranco Pellegrini
proverbi
"al vâl plui un solt in soreli che no in ombrene"
"ancje il soreli al à lis sôs maglis"
"ancje il soreli al bat tes pocis e no si sporcje"
"cuant che al plûf e al è soreli, si petenin lis striis"
"cuant che il soreli al va a mont, la mignestre a sa di ont"
"cuant che il soreli la joibe al va tal nûl, domenie al plûf sigûr"
"cuant che la joibe il soreli al va tal sac, no ven domenie che nol peti un vuac"
"cuant che la matine a son trê sorei, ploie sigure"
"cuant che si à vendût il tabâr si sta tal soreli"
"daspò dal burlaç al ven il soreli"
"daspò dal trist timp al ven il soreli"
"di sabide soreli benedet par suiâi la cjamese al puaret"
"Fevrâr: il soreli al va par ogni agâr"
"il soreli al bat tal pantan ma no si sporcje"
"il soreli al jeve par ducj"
"il soreli al jeve pardut"
"il soreli al scjalde par ducj"
"il test di Bertolt nol fale mai: cuant che al plûf lui al rît e cuant che al è soreli al vai"
"lavâ cuant che al plûf e suiâ cuant che al è soreli"
"ogni dì nol è soreli"
"se a Sant Bartolomiu al jeve il soreli clâr, o vin zulugne prin dai Sants"
"soreli di veri e aiar di fressure a menin l'om in sepulture"
"soreli lusint: o ploie o vint"
"une ore di bon soreli e suie plui di une lissie"
Torna in Cima