SuperDizionari

Torna indietro

monolingue

sort adi., s.m.

Che, cui che nol à la facoltât di sintî suns

esempi

"une des sûrs, sorde dal dut pal sclop di une canonade che i veve rots i timplis in timp de vuere grande"

da "Storie di Vera" di Ivano Urli

"al jere vieli e sort e distrat simpri stât"

da "Amîs come prime" di Alan Brusini

sort adi., s.m.

Che, cui che nol acete conseis, esortazions, preieris, propuestis, che al pant disinterès, mancjance di disponibilitât e di sensibilitât e v.i. (fig.)

esempi

"se [la minorance slovene] e mande vie a Rome protestis, domandis, preieris e memoriâi e po stâ ben sigure che al è timp straçât: Rome e je sorde di chê orele"

da "Dirits, promessis e fats" di Josef Marchet

sort adi.

[TS] (fon.) Di sun che al è articolât cence fâ vibrâ lis cuardis vocâls

esempi

"gjavâ vie ancje la grafie ts nus puartarès a doprâ une grafie sole par trê suns diferents e a fâ la confusion dai suns ts e dz, che a corispuindin a une oposizion (consonante sorde - consonante sonore) che, in mûts diferents, a fasin dutis lis varietâts dal furlan"

da "La grafie furlane normalizade" di Xavier Lamuela

sort adi.

Di sun, profont (fig.)

sinonimi

torgul, torvit, çondar

esempi

"il rumôr al si fâs sort e malinconic come se si subissàs sot tiare"

da "Il cjan blanc di Alturis" di Catarine Percude

"il zigo e i laments si faserin sorts e scûrs come se si inglotessin sot tiare"

da "La aghe da pît la cleve" di Dino Virgili

sort adi.

Di sensazion, sintiment, emozion e v.i., che no si impâr cun scjas, ma che insot e reste vive (fig.)

sinonimi

platât, scosagn, sordin

esempi

"une dulie sorde che dal stomi e rivave a la panze"

da "Tal ospedâl" di Amedeo Giacomini

"une ruze sorde i tacà a boli dentri, cuintri no si sa cui o ce"

da "Trê feminis" di Gianni Gregoricchio

proverbi

"miôr mangjâ cuntun vuarp che no fevelâ cuntun sort"

"nissun plui sort di cui che nol vûl sintî"

"se tu vûs sei ben viodût, tenti sort e ancje mut"

Torna in Cima