SuperDizionari

sotan s.m.
(so-tan)

(agr.) Lavoradôr de campagne che al è sot paron, in cundizions di sfrutament e miserie

esempi

"al jere chel il timp, pai sotans culì in Friûl, de polente cence sâl e de pelagre"

da "Come tai romançs" di Alan Brusini

"ridot al possès di nuia altri che un badîl, una manara e una forcja, al daventà sotan, al si metè a lavorâ a zornada"

da "Il me paîs" di Federigo Comelli

sotan adi., s.m.
(so-tan)

Che, cui che al è sot di une autoritât, che al sta da pît di une scjale jerarchiche, o che in gjenerâl al scuen ubidî, che nol è dal dut libar

sinonimi

sometût

esempi

"si sa che il mont dal lavôr al è fat di sotans e di sorestants e il sorestant al vûl che si capissi ben che al è lui che al comande"

da "Il muc" di Roberto Ongaro

sotan adi., s.m.
(so-tan)

Che, cui che al acete cun ande passive un podê injust e prepotent

sinonimi

sometût, sudizionôs, scuintiât, remissîf

esempi

"a son simpri pronts a tornâ a bati la solfe, a tignîlu sot e cuiet [il popul furlan], a fâi viodi che al è ben jessi bogn e tasê, che al è miôr ubidî e no pratindi. Jessi bogn cussì al è jessi sotans"

da "Cuintristorie dal Friûl dal 1866 fint in dì di vuê" di Francesc Placerean

"al jere come incragnît, masse sometût e sotan cu lis feminis di cjase, e nol jere bon di comandâ ma nome di ubidî"

da "Il dolfin" di Carlo Sgorlon

monolingue