SuperDizionari

monolingue

spandi v.tr.
(span-di)

Lassâ vignî fûr, soredut licuit di un recipient, di un condot e sim. (ancje ass.)

esempi

" la massarie e jemplave lis tacis poiadis te guantiere di bree nere di lustri fin. «No stâ a spandi , macarone… no viodistu? … Miôr bevi une butilie che spandint un got…» I veve dit Irme"

da "Si disarès che e je inventade" di Pieri Menis

"tu sâs chê gorne che spant fra il granâr e il templâr de stale, ben jo i ai dit che al vegni a justâle"

da "Ursule" di Pieri Somede dai Marcs

spandi v.tr.
(span-di)

Butâ ator un ciert materiâl

esempi

"po dopo a vignivin sparniçâts savalon o grave. Cuant che la temperadure e calave cetant, al vignive butât il sâl. Cualchi volte, se a mancjavin il savalon o la grave, la int e spandeve il setiç"

da "E ven jù che Diu le mande" di Manuela Quaglia

spandi v.tr.
(span-di)

Fâ che alc, sedi materiâl che imateriâl, si slargji, si difondi

sinonimi

slargjâ, difondi

esempi

"e fûr imburît ad in spissul il vin che al spandeve pe cjanive un odôr di freule di fâ vignî la aghe in bocje"

da "La fuiace de Madone" di Catarine Percude

"ma chei che fin cumò e àn spandût a lunc e a larc il non di Feagne, chei che a àn fat di cheste citadine cussì biele, cussì legre, cussì simpatiche, une piçule capitâl dal Friûl, a son stâts i mus"

da "La ultime barele" di Riedo Pup

"la cjampane e spant a lunc il so sun che al rimbombe tra i mûrs des cjasis"

da "La ultime baronade" di Pieri Somede dai Marcs

proverbi

"a spandi sâl a vegnin disgraciis"

"a spandi vin, ligrie"

"a spandi vueli, a tocjin disgraciis"

"cuant che il seglot al spant, no dî mâl dal cempli"

"cui che al ten cont pe spine al spant pal cjalcon"

"cui che ind à al po spandi"

"miôr bevi une bote che no spandi une gote"

"par che al sedi plen bisugne che al spandi"

Torna in Cima